عبدالله بن فايز العمري رحمه الله
16-01-2011, 07:32 PM
حلم وأماني .. والمقَابل تراحيب=في داخل القلب الكثير إلتياعه
قلب ٍ حياته كل ابوها لواهيب=ما ناش من طلع السعادة متاعه
حلم وأماني .. سببت غزوة الشيب=وزادت بشاعة وجه حظي بشاعه
كم عشتها في عابرات الأكاذيب=اللي تلوّح بالهنا كل ساعه
عثرات حظي في ردى الوقت تنصيب=ما حيّرتني في الدروب المشاعه
من وين ما لاحت بروق المسابيب=تلقى لها بإيمان قلبي قناعه
الحال يلزم له تعايش واساليب=ولكل حيٍّ في الحياة إطلاعه
الحظ لو يعرف طريق الـمواجيب=ما كان يسهل عالعثور إتباعه
ولا كان لاع الضيم من يحمل الطيب=الطيب كل ٍ يعرفه من طباعه
ولا كان يستنكر وفيّ المطاليب=راع ِ الوفا مرموق بين الجماعه
ولا كان يرثي الرجم شيخ المراقيب=الشيخ باسمه يحتفيه ارتفاعه
ولا كان هان الذيب في نظرة الذيب=الذيب ذيب ويتصّف بالشجاعه
ولا كان طال الشهم وصمة عذاريب=الشهم يملأ وقفته واندفاعه
ولا كان طاف العيب من ينكر العيب=محشوم ومن العيب عنده مناعه
يا العمر لو نيل المنى بالمشاعيب=كان أغتنى كل ٍ بقوة ذراعه
حكم القدر ما فيه شك ٍ ولا ريب=يا قلبي اللي ضاق حجم اتساعه
اشكي على الله خالقي عالم الغيب=من رحمته أحمل إليه الشفاعه
يا ربّ ما يخفاك حال ٍ وتعذيب=وصبر ٍ تجاوز ما أتحمّل صراعه
قلب ٍ حياته كل ابوها لواهيب=ما ناش من طلع السعادة متاعه
حلم وأماني .. سببت غزوة الشيب=وزادت بشاعة وجه حظي بشاعه
كم عشتها في عابرات الأكاذيب=اللي تلوّح بالهنا كل ساعه
عثرات حظي في ردى الوقت تنصيب=ما حيّرتني في الدروب المشاعه
من وين ما لاحت بروق المسابيب=تلقى لها بإيمان قلبي قناعه
الحال يلزم له تعايش واساليب=ولكل حيٍّ في الحياة إطلاعه
الحظ لو يعرف طريق الـمواجيب=ما كان يسهل عالعثور إتباعه
ولا كان لاع الضيم من يحمل الطيب=الطيب كل ٍ يعرفه من طباعه
ولا كان يستنكر وفيّ المطاليب=راع ِ الوفا مرموق بين الجماعه
ولا كان يرثي الرجم شيخ المراقيب=الشيخ باسمه يحتفيه ارتفاعه
ولا كان هان الذيب في نظرة الذيب=الذيب ذيب ويتصّف بالشجاعه
ولا كان طال الشهم وصمة عذاريب=الشهم يملأ وقفته واندفاعه
ولا كان طاف العيب من ينكر العيب=محشوم ومن العيب عنده مناعه
يا العمر لو نيل المنى بالمشاعيب=كان أغتنى كل ٍ بقوة ذراعه
حكم القدر ما فيه شك ٍ ولا ريب=يا قلبي اللي ضاق حجم اتساعه
اشكي على الله خالقي عالم الغيب=من رحمته أحمل إليه الشفاعه
يا ربّ ما يخفاك حال ٍ وتعذيب=وصبر ٍ تجاوز ما أتحمّل صراعه