|
كرسي الاعتراف { النآدر }
اخواني اخواتي اعضاء ديوانية القارية ولحيفة اهلاً وسهلاً بكم في كرسي الاعتراف من جديد يفتتح كرسي الاعتراف لمعرفة المزيد عنكم ضيفنا لهذا الاسبوع عضو مميز ومرح ، ونشيط رحبوا معي بضيفنا واخوي العزيز [[[[[ النآدر ]]]]] ارجو ان يقضي اجمل الاوقات بين اخوانك واخواتك واسمحلي في البداية بطرح اسئلتي الخفيفة اذا سمحت بطاقتك الشخصية ؟؟ واترك الباقي للاعضاء |
اول سؤال اطرحه / ماهو الشئ الذي يندر في الجميع وتراه في نفسك يالنادر
بمعني آخر ... ماهو الشئ النادر فيك يالنادر ومرحبا ملايين بك ياعزيزي |
راجعلك يا عزيزي إحساس ، ورح أعترف بإللي تبيه ، مع إني أعترف إن الإعتراف
مصيبه أحياناً :) |
|
ابو مشعل كتم الدعسههههههههه وسأل سؤال كبير ,,, عزيزي النادر ,,, اين ترى نفسك بعد 5 سنوات من الان على الاصعده 1) ع المستوى الوظيفي 2) ع المستوى العائلي 3) ع المستوى المالي 4) ع المستوى الصحي س/ من يعجبك من قادة العالم ؟ ولمــــــــــــــــــاذا؟ س/ هل تظن فكرة انشاء منتدى ثاني للقارية ولحيفة فكرة صائبة ؟ ولمــــــــــــاذا ؟ س/ وش يعجبك في عمك عبدالله بن مفرح ؟ لمـــــــــاذا ؟ س/ وش رايك بالانثى - السياسة - التأني - الهواش- الحب - الالوان ؟ س/ من يستفزك (اجابة عامة) ؟ وممن تطرب ( اجابة عامة)؟راجــــــــــــــــــــــــــــــع
|
طيب ياشباب بالشكل هذا مو كرسي اعتراف هذا كرسي سواليف
عشان كذا بغير في رتم الاسئلة س 1 متى اخر مرة كذبت وعلى من ومشت معاك والا لا - وبعدين خلينا من شغل التصريف زي كذبت على ولدي الصغير 0 نبغى شئ يجمد على الشارب - س 2 اخر علقة اكلتها وممن ومتى 0 س 3 وعلى سيرة الدبغ 0 ابيك تعطيني مرة اندبغت فيها ولسا تذكرها باسى وحرقه 0 س 4 شخص تتمنى لو رجع بك الزمن وتلعن شكله وليه 0 ومعلش بس هذا كرسي الاعتراف 0 تسلم لي 0 وعلى فكرة لي عودة [marq="3;right;3;scroll"] عموما شكله قلب كرسي اعدام بالنسبه لك ياالنادر عموما اختار سؤال واحد من الاسئلة السابقة 0 واتوقع انك بتختار اخر سؤال[/marq] |
هلا والله يالنادر بس أنت وصلت ولا ماوصلت لكرسي التعذيب ههههههههههههههه
1- ماهي طموحك بالصغر بالنسبة للمستوى التعليمي لأي درجة تتوقف وتقول هنا حدي ؟ 2- ماهي المهنة التي كنت تتمناها في صغرك ؟ وهل تحققت أم لا ؟ 3- ماهي طموحك في الحياة ؟ 4- سؤال حلووو هههههه أين تذهب يوم الأربعاء ؟ تقبل التعذيـــــــب من الأخوان |
اقتباس:
الإسم / عبدالله العمر / ربع قرن ويزيد قليلاً الهوايه / كل شي يستهويني يصير هوايه << صار تعريف هذا ؟؟ الحاله الإجتماعيه / متزوج وعندي بنوته قمر تشبهني :) الأكله المفضله / طبخ من أحبّ طبخـه الوظيفه / موظف ولله الحمد والمنّه ×××× وإذا باقي شي ذكروني .. |
اقتباس:
والله شوف يا عزيزي بو مشعل ، الإنسان بطبيعته ما يقدر يشوف صفه نادره فيه ولا توجد في الآخرين ، أقولك ليه ..!! لأن الصفه النادره كيف يتم إكتشافها والحكم عليها بالندره ؟؟ عن طريق إكتشافها في غيره فـ يُعجب بها ويطلق عليها نادره .. طيب إنت قول لي ماهي الصفه النادره فيني :) |
اقتباس:
وانا في جهاد الله يعين ، أنفكوا الأعضاء والله يزيد المعونه معونه .. |
حيّاك يا م. فوجي الله يهديك ما خليت شي : ابو مشعل كتم الدعسههههههههه وسأل سؤال كبير ,,, إلا حرق الجربوكس .. عزيزي النادر ,,, هلا عيوني اين ترى نفسك بعد 5 سنوات من الان على الاصعده 1) ع المستوى الوظيفي / نقيب :) 2) ع المستوى العائلي / بنت وولد 3) ع المستوى المالي / الزمن أغبر يا فوجي لا تسأل ، صارت الدنيا فرص ، الفقير يغتني في دقيقه والثري يروح المستشفى بسبب إنهيار عصبي 4) ع المستوى الصحي / إن شاء الله بوم بوم طاقه بوم س/ من يعجبك من قادة العالم ؟ ولمــــــــــــــــــاذا؟ صراحةً مُعجب بالملك فيصل رحمه الله ، لأني أعتقد أن من جعل 42 دوله تقطع علاقاتها بإسرائيل يستحق الإعجاب ، ولا أنسى ما قرأته في شجاعة هذا الرجل حين قام بوقف تصدير البترول في بداية السبعينات .. س/ هل تظن فكرة انشاء منتدى ثاني للقارية ولحيفة فكرة صائبة ؟ ولمــــــــــــاذا ؟ لامانع لو أنشئنا عشر منتديات ، هذا دليل على تعدد ثقافاتنا ووجود فطاحله يريدون القراءه من أكثر من مصدر .. ج س/ وش يعجبك في عمك عبدالله بن مفرح ؟ لمـــــــــاذا ؟ قمّة التواضع ، يسمع لرأيك لو كان بينكم في العمر أربعين سنه .. س/ وش رايك : بالانثى -/ زينة الحياة الدنيا السياسة -/شطرنج التأني -/ منجاه أحياناً الهواش-/ سياسه يجب إختيار توقيتها بدقه الحب -/ صمّام قلب يبنض ، (الحب ما بقييت اخاف من الدنيا دي إلا الحب ) الالوان _/ لا تعني لي شي س/ من يستفزك (اجابة عامة) ؟ من يتحدث فيما لا يفقه وممن تطرب ( اجابة عامة)؟ صراحةً بنتي خلتني أحب طيور الجنّه ..:) راجــــــــــــــــــــــــــــــع إرجع مرحبا ألف |
اسئلة 2 هو انت جيت ولا ربي جابك
س/ هل تعشق السفر ؟ وما اجمل مدينة زرتها ؟ ومالمعلم الذي لفة انتباهك في هذه المدينة س/ من سياساتك الواضحة انك لا تحبذ الصراع (مسالم حتى لو لم تستسيغ من امامك) ولا تحب ان تتخذ موقف الى صف عندما تحتدم الامور ( لمــــــــــــــــاذا)؟ س/ لمــــــــــــــــاذا لا ترد على المسد كول؟ س/ ماذا يتبادر لذهنك عندكا ترى المواقف الاتيه: 1) شخص يعبر اشارة ضوئية حمراء؟ 2) مضيف يقدم لك شاهي خفيف ومافيه سكر؟ 3) خادمة منزلية في بيت عروسين؟ 4) تركي الدخيل يتحاور مع ضيف وبتال يحرج ضيفه ؟ 5) الانترنت بطيء 6) صوت مؤذن الاذان في المغرب ليوم رمضاني؟ 7) صديق يتم ترقيته مع انك تستحقها ؟ 8) موظف انت رئيسه ولا يسمع كلامك؟ 9) صورتك في انتخابات الرئاسة الاميركية؟ 10) ولد مدلل يكب الشاهي على ثوبك في العيد؟ راجـــــــــــــــــــــــــع |
النادر
اخلي نصيبي لمين معك شعطوط من هو رايك في ابو ياسر ---- عبدالرحمن بن دربي --- علي بن مفرح رجل اثر في مسيرة حياتك؟ كيف كان موقفك اول مره تعبت البنت فيها رجل تتمنى ان يكون معنا في المنتدى لمن تقول عيونك آخر آمالي |
انا اموت واعرف السيد نادر ليش مطنش مخي
انا سألت سؤال جاوب عليه خل الدعسه والطبلون لفوجي ... على فكرة حتى في موضوع الترحيب .. رحبت به وطنش |
شباب ما تلاحضون انه قلب كرسي الاعتراف زي صندوق التنمية العقاري 0 انا ابي اكتب سوال بس اشوف ناس قبلي ما جاء الرد على اسئلتهم 0 والا غنى ياليل ما اطولك
|
وينك يالنادر ...
|
اقتباس:
ألـم ، أتوقع إنك من المتعاونين في إعدام صدام ، وإلا هذي اسئله إنفصام بعد !!! طيب مدامك قلت جاوب على سؤال واحد فـ أنا ما رح أصدق خبر :) بختار السؤال الثالث : أندبغت مره من المرات يا طويل العمر والسلامه من جارنا أيام ما كان عمري تقريباً عشر سنوات ، والسبب أن عيال الحاره كانوا يلعبون كوره وكنت معهم وبشوتة أحد ثقيلين الطينه تسطحت الكوره في حوش جارنا ( للعلم جارنا كان واحد من الجماعه) المهم سويت أنا الأبضاي عقيد الحاره وطلعت فوق عداد الكهراباء (وكان وزيرها القصيبي وإلا كان أعطاني قصيده ( النادر فوق الكهرب) طلعت عشان أطب الحوش ، ومادريت إلا إبن جارنا العزيز يمحّطني بعقـآل لن أنسى شكله الإنسيابي ... هذي طبعاً دبغه لن أنساها ، وعفاك ...... |
اقتباس:
هلا عيوني ميدو وقفت عليك إنت ، من البدايه تعذيب ، وبسم الله : 1_ أكذب عليك لو قلت كان طموحـي في الصغر أوصل لدرجه تعليميه أحياناً .. لأننا تقريباً شعـب يفكّر في يومه الذي يعيشه منذ الصغر ، ولكن بدأ الطموح في الثانويه تقريباً وهذا ما سـ أجاوبك عليه في السؤال الثالث ... ××××××××× 2_ طبعاً أمنيات بريئه لا تصل للواقعيه بقولك وش كنت أتمنى صراحةً بس لا تضحك عليّ ( كنت أتمنى ألبس بشـت وأطلع في التلفزيون أتكلم ) ،، بتقول ليه بشت أقولك مدري .. ××××××××××××××× 3 _ طموحي ماله حدّ ، لكن أحياناً يصطدم بواقع لا يحققه ، وأمري على الله أقول عن طموحي أن أكمل دراستي الجامعيه وهذا ما سـ يحصل إن شاء الله هذه السنه .. وإذا توفرت الوسائل الماديه أتمنى تأسيس شركه تختـص في الخدمات الطبيه ( وألبس بشـت وأرز خشتي فيها ) وبكذا أحقق أمنية السؤال الثاني :) ... ××××××××××××××××× 4_ يوم الأربعاء أروح الدوام طبعاً :) |
لله يسعدك يالنادر وآآآآآآآآآآآآآه يا إن الشباب خففوا عليه كثير حتى أعرف من أنت ياصديق الطفوله .. يعلم الله كم تشوقت لمعرفة من أنت وكأن شئ يدفعني لمعرفة شخصية النادر..
ناوي أقلب مواجع وأتشرشح أنا والنادر.. * الله يسقي مستوصف طب الأسنان و مستوصف الرحمه .. خخخخخخ * وأجمل أيامي هي عندما تكون عندكم عزيمه وهاتك لعب كوره في الحوووش وسلملي على إلتون <<<< عارف نفسه. * طيب تذكر القاتوه اللي طاح على الرجال في فندق الشهداء في مكه . هههههههه تحياتي لك ولشخصك الكريم وياليتني مكتشف شخصيتك من زمان ياباشا. |
اقتباس:
هههههههههههههههههههههه ... انت جاك تلطيش وانا جتني دعاوي تقشعر لها الابداااان اقتباس:
ومااغبر هذا الزمن اقتباس:
ياعيني على السؤال .... صراحة غير طبيعي |
خلاص يا النآدر راح الوقت
خلصت من كرسي الاعتراف |
احساس رسام مين انتهى .. الرجال لسع على الكرسي ...
كمل يالنادر ..... |
اسئلة 2 هو انت جيت ولا ربي جابك سبحانه وقدرتوا عليّ .. س/ هل تعشق السفر ؟ وما اجمل مدينة زرتها ؟ ومالمعلم الذي لفة انتباهك في هذه المدينة نعم أعشقه بس منذا طاعني :) ؟ ، أجمل مدينة سالسبورغ في النمسـآ ، بالنسبه للمعلم إللي لفت إنتباهي طبعاً نهر الدانوب ، فوجي روح صدقني وتدعيلي .. س/ من سياساتك الواضحة انك لا تحبذ الصراع (مسالم حتى لو لم تستسيغ من امامك) ولا تحب ان تتخذ موقف الى صف عندما تحتدم الامور ( لمــــــــــــــــاذا)؟ يقولك يا عزيزي البعد عن العناد والمطبّات الإختلافيه يؤدي إلى طولة العمر بعد الله سبحانه وهو من أفضل الوسائل لتجنبّ أمراض السكري والضغط والقولون الذي أعاني منه :) س/ لمــــــــــــــــاذا لا ترد على المسد كول؟ ههههههههههههههههههههههه نايم :) س/ ماذا يتبادر لذهنك عندكا ترى المواقف الاتيه: 1) شخص يعبر اشارة ضوئية حمراء؟ إنه رايح المستشفى ( على نيّاتي ) 2) مضيف يقدم لك شاهي خفيف ومافيه سكر؟ أكيد شايفني سكّر :) 3) خادمة منزلية في بيت عروسين؟ العريس صاحب مكتب إستقدام سابق 4) تركي الدخيل يتحاور مع ضيف وبتال يحرج ضيفه ؟ خطيرين والله الله يعين من يطبّ بيدهم .. 5) الانترنت بطيء ؟ أدوّر أطرف دعوهـ ألقيها بدون أي تردد 6) صوت مؤذن الاذان في المغرب ليوم رمضاني ؟ ليال لا تنسى 7) صديق يتم ترقيته مع انك تستحقها ؟ الله كريم 8) موظف انت رئيسه ولا يسمع كلامك؟ الخلل فيني 9) صورتك في انتخابات الرئاسة الاميركية؟ مكتوب عليها wanted :) 10) ولد مدلل يكب الشاهي على ثوبك في العيد؟ أقول هـ هـ هـ هـ يا حليله وبعدين أقرصه بدون محد يدري فوجـي عصرتني والله هههههههه |
اخلي نصيبي لمين معك شعطوط من هو رايك في ابو ياسر ---- عبدالرحمن بن دربي --- علي بن مفرح أبو يـآسر ، حكمه أجتمعت بخبرة عمر أمتدت لتجربه في حياه صعبـه سابقه لتخرج رجل يقدّر بألف رجل .. عبدالرحمن الدربي ، ثقافه مشاعر إحساس في قلب رجل حدوده طيبة لا محدوده .. علي بن مفرّح ، أب وأخ وعزوة ويمين تعطي لا تأخـذ ، مرّبي أجيال وقدوة رجال .. رجل اثر في مسيرة حياتك؟ والدي كيف كان موقفك اول مره تعبت البنت فيها ؟؟ مافهمت ؟؟ رجل تتمنى ان يكون معنا في المنتدى الأستاذ محمد الحاقان لمن تقول عيونك آخر آمالي فيه غيرها :) |
كمل كمل بكيفكم
بس الي على الكرسي يقعد اسبوع النآدر قعد اسبوعين |
اقتباس:
لا وإذا قدمت عليهم عطوك 300 ألف ما تشتشريلك أرض بعد ههههههههه |
اقتباس:
الرازق في السماء والحاسد في الأرض :) |
| الساعة الآن 10:40 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
