لقلوبكم الطاهرة
ولأفكاركم السامية
أتمنى أن تحوز هذه المتواضعة على اعجابكم

ادرك مداك اقصد شروق الشمس يا وجه الغروب=مد الخطى باثر الخطى دربـك بعيـد وملتـوي
شل الهمـوم بثقلهـا يهنـاك تخفيـف الذنـوب=واحرق صور ذيك السنين الغبر حتى تنشـوي
اجبر حنين القلب واجعل له من اللحظه هـروب=لا تترك المجـروح باسبـاب التعاسـه يكتـوي
دام اختبار الحظ في صمت القدر كلـه رسـوب=اقصد كريـم ٍ جـل شأنـه بالرعايـه يحتـوي
اسالك بالله يا الشقا دامـك تسيطـر عالـدروب=اش يستفيد من البقا حظ الضعيـف مـع القـوي
العمر يتأمل غيـار الحـال ونـزوح الكـروب=والحال يوحي بالنصيب اللي بحكمه مـا غـوي
والصبر يستجدي القوى من عند علام الغيـوب=علَّه يواكـب حالـة ٍ شانـت وعيّـت تستـوي
آمنت باللي قدّر اسبـاب الحيـاة بكـل صـوب=ما لي سواه أرجيـه يشملنـي بدعـم ٍ معنـوي
العين يكسي بُعدها طير ٍ علـى سهـم الهبـوب=يقرب ويبعد غايتـه يلعـب علـى مـا يهتـوي
يطير من حرّ اللظى مشتاق رحمات النصـوب=وتحطـم آمالـه جناحيـن ٍ تخـون وتنطـوي
ذابت أماني العمر في قسوة عذاب ٍ مـا يـذوب=وهموم قلبي من نزيف الجـرح عيّـت ترتـوي
اناول البسمه عيـون النـاس واجعلهـا تنـوب=تنوب عن زين الظروف اللي تناسـب للخـوي
اناول البسمه وانـا فـي داخلـي نـار ٍشبـوب=ما ودي استسلـم والاقينـي بكهـف ٍ منـزوي

تحياتي وتقديري للجميع

عبـدالله بن فايـز العمري

المشاركة الأصلية كتبت بواسطة عبدالله بن فايز العمري (المشاركة 43797) لقلوبكم الطاهرة ولأفكاركم السامية أتمنى أن تحوز هذه المتواضعة على اعجابكم (( وجــــه الغـــروب )) والصبر يستجدي القوى من عند علام الغيـوب=علَّه يواكـب حالـة ٍ شانـت وعيّـت تستـوي آمنت باللي قدّر اسبـاب الحيـاة بكـل صـوب=ما لي سواه أرجيـه يشملنـي بدعـم ٍ معنـوي **********doPoem(0)

المشاركة الأصلية كتبت بواسطة سعيد سداح / العقيد (المشاركة 43799) صح السانكـــــــــــــــــــــــ كلمات جميلة يعطيك العافيه

صح لسانك شاعرنا الكبير ابو فيصل وشكرا لك على هذه الدرر لا حرمنا الله منك
والشكر موصول لابو خالد على دعوته المباركه لكم للانضمام الى ديوانيتنا المتواضعه