|
مشاعر غلا
مشاعـر غــلا واللـيـل يشـتـاق للسـاريـن=وشـوق اللقـا والوقـت والـدرب والعانـي طريـق ٍ يقـول الحيـن دام البشـر غافـيـن=وقلـت ابـرك الـحـزات والـحـظ نـادانـي توجـهـت وآمـالـي تـلـوّح مــن الجنـبـيـن=تــلــوّح بــرايــات اشـتـيـاقـي لـخـلانــي احـث الخُطـى والخطـوَه الواحـده ثنتـيـن=وطـول المسافـه مـا ضمـرتـه بحسبـانـي مدى الحب نبـض ٍ يفتـل العـزم بالساقيـن=ونـور الأمــل ســر ٍ مــن الـهـم سـلاّنـي ورسم الخيال الزين واكب غرامـي زيـن=تشـرّب جـمـال احـبـاب قلـبـي وسقّـانـي ومـدّ النظـر يجتـاح مـا بيـن حيـن وحيـن=تصاويـر عـن دار ٍ تضـم أطيـب انسـان ِ أغـذي بـهـا بعـديـن حـتـى تـجـي بعـديـن=ومـن يومـي الأول إلــى يـومـي الثـانـي سمو الخيال وبعـض الأحـلام والطرفيـن=وشـوق ٍ حَمَـل طيـب النـوايـا وخـاوانـي وثقـل الغـلا المكنـون وانشـودة الحرفيـن=وروعــة نـصـيـب ٍ بـالأمـانـي تـجـلانـي دروب الأماني وين .. واحباب قلبي وين=اهـنـيـك يـــا فـكــر ٍ خـذانــي وودانــــي على سيـرة أيامـي قسمـت الألـم نصفيـن=وسـلّـمـت لـلـذكـرى مفـاتـيـح وجـدانــي الاحباب في قلبي مدى العمر محفوظيـن=حشـا مــا يسجلـهـم صــدودي ونسيـانـي أخـيـل القـمـر بديـارهـم يشتـعـل نـوريـن=وحولـه نجـوم اللـيـل باشـكـال والــوان ِ الا يـا قمـر مـا دام نـورك شبـيـه الـزيـن=طلبتـك تسامـرنـي عـلـى كــل الأحـيـان ِ والا يا رجا النسمـه مـن انسامهـم تكفيـن=مـن انسامهـم تكفيـن هـبـي عـلـى شـانـي اباعيـش لقياهـم ولـو كـان حـظـي شـيـن=واتــوه بمحبتـهـم مــدى عـمـري الفـانـي واجـاذب زهـور بالحـلا تسحـر العينـيـن=على ذكرهـم والله أعيـش أجمـل أحيانـي |
اباعيـش لقياهـم ولـو كـان حـظـي شـيـن واتــوه بمحبتـهـم مــدى عـمـري الـفـانـي واجـاذب زهـور بالحـلا تسحـر العينـيـن على ذكرهـم والله أعيـش أجمـل أحياني رائع ما تقول أخي عبدالله يسلم قلمك ومن يمسك به .... أنت شاعر مبدع |
احـث الخُطـى والخطـوَه الواحـده ثنتـيـن وطـول المسافـه مــا ضمـرتـه بحسبـانـي أخي الحبيب أبو فيصل قصيدة جزلة في معانيها وقائلها ( أنت ) مبدع في تصوير ما يدور بالخلد وقد إخترت ما يماثل البيت أعلاه من قصيدتك ببيت من قصيدة قيلت في هذا المعنى وهو وكنتُ إذا ما جئت ميا أزورهــا ..... أرى الأرض تطوى لي ويدنو بعيدهـا فقد ذكرني بما قلته أنت في حث الخطى مسرعاً للحبيب وبعكس ذلك تتثاقل عند العوده وفقك الله يا شاعرنا المبدع ،،، أخـــوك |
يعطيك العافيه مبدع ماشاء الله تبارك الله
|
علـى سيـرة أيامـي قسمـت الألـم نصفيـن وسـلّـمـت لـلـذكـرى مـفـاتـيـح وجــدانــي الاحباب في قلبي مدى العمـر محفوظيـن حـشـا مــا يسجلـهـم صــدودي ونسيـانـي قصيده فى غايت الروعه لا تقال الا من شاعرمتمكن اهـنـيـك يـــا فـكــر ٍ خــذانــي وودانــــي ولك تحياتي,,, |
سلمت اناملك شاعرنا الجزل
لا عدمناك يا ابا فيصل |
الأخوة والأخوات الكرام
حفظكم الله ورعاكم .. وأشكر لكم حضوركم المشرف في ركني المتواضع كما أشكر لكم جميعا إشاداتكم التي أراها بمثابة أوسمة الفخر أحملها على صدري ما حييت ثم والأهم من كل هذا ( آتأسف لكم جميعا على تقصير معكم ، وأتمنى أن لا تأخذوني إلا بحسن الظنون ، إذ يعلم الله مدى انشغالاتي اليومية التي حالت بيني وبين دخول النت على الرغم من أن الجهاز والإتصال متوفران لدي في المنزل ، وفي المكتب ولكن يعلم الله إنني لا أتمكن من الدخول إلا من خلال فرص بسيطة جدا لا تمكنني من الإطلاع الشامل ) لكم جميعا موفور احترامي وتقديري |
ابو فايز قصيدتك لها معاني كثيره في وصف حال المحبين وتصرفاتهم وتصويرك لذلك وصف دقيق جدا
بوركت من شاعر ملهم |
اقتباس:
حياك الله يالطيّب اشكر لك إطلالتك المنيرة ، كما أشكر لك إشادتك التي أفتخر فيها أرجو أن أكون أهلا لذائقتك الراقية تقبل أخي موفور احترامي |
| الساعة الآن 04:24 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
