|
تفضلو غداكم اليوم عندي مرحبا الفلا يتحير احد منكم
مرحبا مليونيين الله يحييكم بمناسبه زواج اخونا رايد وهو احد اعضاء هذا المنتدئ على بنتنا المصون بنت الاستاذ عبد الرحمن بن دربي تفضلو لا احد يستحي قلت احضر الطبخه قدامكم علشان ما تقلون اني جهزتها براههههههههههه يلا واحد فيكم ينقز زي النمر يجيب لكم ببسي وشطه ولبن للشيبان وخبز علشان الي وده ياكل مع الحم خبز والنساويين اقلطو من الباب الخلفي وانتي يا شهرانيه وملاك يلا قطعو السلطه والي ودها منكم يا حريم تسوي القهوه والشاهي تر ماني فاضيه جالسه اطبخ :p يلا مرحبا الف بسم الله \ \ المقادير \ \ 9 كجم لحم ضان يارب تكفيكم نبهر اللحم ونملحه ثم نقلبه ونبهر ونملح أيضاً نتبل اللحم بالصلصة (حسب الرغبة ثم نجمع اللحم ونميل الصحن لتسيل أي كمية ماء متبقية في اللحم من الغسيل نجهز الخضار المرغوب إضافتها مع اللحم (حسب الرغبة) نبدأ في رص الدور الأول من اللحم ثم نرص فوقها الخضار وأنا اخترت بصل+ثوم+كوسة+ليمون أسود+فلفل ثم نرص الدور الثاني من اللحم ثم نرص الدور الثاني من الخضار الآن نرص الدور الثالث.... (قربنا من الملحق) ثم نرص الخضار ثم نغلق القدر ونشب عليه بعين قوية وننقع الرز ونخليه جاهز نتركه إلى أن يقول: تس..تس..تس..تس..تس هنا يأخذ ما بين 15-18 دقيقة لأن كمية اللحم أكثر ثم نقصر على النار ونخليه 40 دقيقة نجهز ماء مغلي لأن المرقة قد لا تكفي لكبس الرز وإذا لم نتستخدم الماء مع المرقة نقلبها براد شاهي بعد 40 دقيقة من تس..تس..تس..تس ننزع الصمام نفتح القدر وااااو على ريحه الطبخ تجنن لاحظ وجود المرقة عالية التركيز نكب المرقة على الرز نضيف الخضار المرغوب ثم نغلق القدر ونشب على الرز بعين فوق المتوسطة ونتركه لمدة 8 دقائق أو يقول: تس...تس...تس ثم نقصر على النار ونخليه 10 دقائق الرز الآن جاهز وأيضاً اللحم جاهز وقد تلخبطت الأدوار المرصوصة بعد صب المرقة هنا تمت عملية دمج القدرين على صحن في مثل هذه الأحوال ينبغي توفير احتياطات السلامة لأنه من المتوقع حصول حوادث قضم أصابع تفضلوا الله يحييكم لا احد يستحي تروه بيجلس:D لا يرد يديكم إلا الشاشة وبلهنا والعافيه اختكم همس :D الي تعبت وهي تطبخ |
الله يسامحك شفت الموضوع وانا صايم شهيتنا للوجبة
|
الحمدلله ... أنعم الله عليكم بنعمة الأسلام
وفيتم وكفيتم مامنكم قصووور وألف مبروك للعرسان والله يوفقكهم ويجمع فيما بينهم بالخير |
تسلمين ع الصور الحلوة و المشهيه زين إن شفتها و أنا شبعانه http://www.lakii.com/vb/smile/2_28.gif بأقطع السلطة مع ملاك و نغم الحياة دامها تأخرت أكيد بتجيب القهوة وتساوي حلا http://www.lakii.com/vb/smile/26-115.gif. |
الله ينعاني عنك يا عقيد سعيد
بس لا تخاف ابشر بنشيل لك ونعطيك تتعشاه ونشاء الله نعوضك بسوي لك عزيمه لانك ما تغديت معنا قريب ويعطيك العافيه على تعليقك |
بلعافيه يا اخوي هيئه ملك ربي يوفقهم لما فيه الخير
وتفضل اشرب الشاهي الاخضر بعد الاكل مرحبا الف 000 |
وليش يختي شبعانه :D
انا اعزمك وانتي تاكل في بيتكم هااه << :mad:عصبت هيا يلا اخلصو قطعو السلطه للرجال تريهم يحطون السفره الحين ونغم الحياه اتصلي عليها تكثر الهيل على القهوه وتسرع لا تتاخر لا تفشلوني يعلني قدامكم :o مشكوره قلبوو على تعليقك واهتمامكـ |
شوفي يا همس
كريمه أنا أشهد إنك كريمه لكن وشطه ولبن للشيبان وخبز الله لا يهينك يا ستيته لا تخليني أقول للناس واش أنتي الآن هههههههه |
هههههههههههههههههه عاتي ابو خالد قول
بس لازم لبن ارحم الشيبان انا طيبه لان الببسي يعورهم :d ربي يسعدكابو خالد بس ما قلت وش رايك في الطبخه انشاء الله اعجبتك تراني تعبت وانا اسويها00000 مشكور يا غالي على اهتمامك وتعليقك 00 |
أنا اللي خلاني أزعل إن الطبخه شكلها لذيذ جداً وأنتي تطلبين لي لبن وشطه ..
أشكرك على الإجتهاد والتعب وعلى شان كذا أضفت تحت إسمك لقب ( شمعة الديوانيه ) وأنتي تستاهلين أكثر وأكثر [blink] يا شمعه [/blink] |
| الساعة الآن 11:47 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
