جلسة هجوس وقـلم واوراق منثوره=تطغى عـلى ذات هـــــمي مـن تأثـرهـا
وافيتها شاعر ٍ ما صاف عـن طوره=واستسلمت لي حروف وقمت اسطرها
تذعن معاني وترسم باهي الصـوره=واســـوقـها لين تصـعـد فـي منـابـرهـا
ترسم خـيال يريح النفـس مـنـظــوره=وتمـطــر مـزون تونــسـنـي بشـايرهـا
عـودتـهـا بالثقه تـسـتـكـمــــل الـدوره=وتقنص هدفها ولا شيءٍ يعــثـرهـا
وارويتها من رحيق الحب وعطـوره=والحـــمـد لله تـلاقـي مـن يـــــعــبـرهـا
لا صار نجـم الثـقافـة مجــفــل نـوره=والـناس تـشـمز من طـيبـة خواطرهـا
يلفي من أقصى المسافة ناس غندوره=تسحب خطاها من ايمنها الى ايسرها
حي يغني بما يمليه حنجــــوره=وحي يـردد حـــروف مـا يفــــسـرهــا
وحي يباهي مع التطبيـل بحضـوره=ويحتار بين اصغر الكلمات واكـبرهـا
يبني خيامه على عــــمدان مفـزوره=ويلقى لمعـنى الــزعـامه مـا يبررهــا
عوائد الناس عــند النـاس مخبـوره=يـوم الشهــامـة تزكـــــيهـا خبايرهــا
السيد اللي يلاقي الخــير فـي شـوره=يرسم دروبه وياخذها من اقصرهـا

عضو فعال في الديوانية وشاعر
متألق الله يعطيك العافية

تقبل مروري