|
سيدة كل الحلا
جتني تقول ارجوك قل لي انا مين ؟=في دنيتك ؟ .. جاوب وللفكر قاري قلت الله أكبر يا غلا ما تعرفين ؟=انك حياتي كلها واحتضاري ؟ قالت أمانه !! قلت هيا اسمعي زين=واياك تطرين الشكك في قراري انتي بقلبي نبض دم الشرايين=وانتي بفكري منعشات الطواري وانتي بعيني سحر ماله شياطين=وانتي بروحي في الحياة اعتباري وانتي سماي وكوكبي واجمل الحين=وانتي جهاتي والضيا في مساري وانتي جمال الكون في نظرة العين=وانتي سكون الليل وانتي نهاري وانتي رجاي ولهفتي للبعيدين=وانتي هلي والنور في جوف داري وانتي حروفي في بروز العناوين=وهمس القصايد والشعور الحراري قالت كفى .. قلت اصبري لا تهونين=لا بد أورّد باقيات المواري انتي ورود الفل بين البساتين=وانتي طموحي غايتي واقتداري وانتي مع اسمي كبر جاه السلاطين=وانتي خطاي وطيبتي واعتذاري وانتي زماني في مدى العسر واللين=وانتي نداي وعزوتي وافتخاري يا ما سهرت الليل لجلك من سنين=يا ما سهرت وهاجس الليل ساري ازهم عليك اقول يمكن تردين=ان كان مني في لياليك طاري طيفك احبه عن همومي يسلين=وطاريك احبه دون كل العذاري واقول يمكن لا ذكرتك ذكرتين=في خلوة بين القمر والغداري يا سيدة كل الحلا والمزايين=ياغنوة الدنيا بلحن القماري حبك بقلبي ما يبا له براهين=لا يشغلك بالشك بايع وشاري |
مذهله يا أبا فيصل ولا بد لي من عوده بمشيئة الله للتمعن والتعليق |
يا ما سهرت الليل لجلـك مـن سنيـن ........ يا ما سهرت وهاجـس الليـل سـاري كلمات في منتهى العذوبه ولإحساس المتدفق الجميل تسلم ياشعرنا الكبير أنتظرناك وسوف ننتظر جديدك الرائع بروعتك .. تحياتي وربي يحفظك ويرعاك |
شعر جزل جدا والقصيدة رائعة للغاية ومليئة بالمفردات الجميلة |
الأخوة والأخوات الكرام
حفظكم الله ورعاكم .. وأشكر لكم حضوركم المشرف في ركني المتواضع كما أشكر لكم جميعا إشاداتكم التي أراها بمثابة أوسمة الفخر أحملها على صدري ما حييت ثم والأهم من كل هذا ( آتأسف لكم جميعا على تقصير معكم ، وأتمنى أن لا تأخذوني إلا بحسن الظنون ، إذ يعلم الله مدى انشغالاتي اليومية التي حالت بيني وبين دخول النت على الرغم من أن الجهاز والإتصال متوفران لدي في المنزل ، وفي المكتب ولكن يعلم الله إنني لا أتمكن من الدخول إلا من خلال فرص بسيطة جدا لا تمكنني من الإطلاع الشامل ) لكم جميعا موفور احترامي وتقديري |
| الساعة الآن 08:28 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
