|
يا ضيقتي
ياضيقتي ماهي بعاده تطولين يومين ما شفت للرحيل طاري مدري اعجبك صدري ونويتي تقيمين ولا بعد ودك يطول انتظاري يكفي علي من الزمن لا تزيدين كل الجهات مسكرّه في مساري مات الصدى بصوت يثور براكين واغتال ليلي طلة اول نهاري بيني وبين الحظ كره له سنين مدري متى منه انا باخذ بثاري صرت الجمل وايام عمري سكاكين احطب ضلوعي وأتدفّا بناري تعبت من نفسي وانا اقول بعدين وش اخرة بعدين غير انكساري! يا وقت انا وياك قلي على وين ؟ مجروح وفكري مع الليل ساري. منقول بتصرف:) |
قلت لك بت المشمع تعيي..تسلم يا أبا راكان كلمات تحز في براطم القلب يا غالي
دمت لنا ابا راكان |
تحياتي لك أخي العزيز أبو راكان
اختيار جميل ينم عن جمال ذائقتك الشعرية تشرفت بالمرور من هنا لك موفور احترامي |
ابو طلال ابو فيصل يخرب بيت الضيقة ...... قاتلة؟ |
روعه اخوي عبد الهادي يعطيك العافيه ويبعد عنكـ الضيق وتر دنياك ما تستاهل الضيقه على قوله خالد الفيصل يا ضايق الصدر بالله وسع الخاطر دنياك يازين ما تستاهل الضيقه الله على ما يفرج كربتك قادر والله له الحكم في دبرة مخاليقه " |
يا ضايق الصدر بالله وسع الخاطر === عذبات الايام ما تمدي لياليها
يعطيك العافيه يا عم عبدالهادي |
|
أبي اطلق مواويل الحزن وبطرح كل دواويني أبي أشكي أبي احكي ابوصف للبشر حرمان أبيهم كلهم يدرون أبيهم يشعروا فيني أبي لا من طرى اسمي بكى من لوعتي شيبان أبي لامن طرى"عاشق" ذكرمن كان يغليني أبيهم يذكرون أني صرت بدمعتي غرقان أبيهم يعرفون الهم هواللي صار يخاويني أبي أصرخ وأبلغهم وأقول أن الفرح خوّان يجي مرةمعاي و هو طول العمر ناسيني أبي اترك لهم قصة وأخيّرهم على العنوان يسمّوا "حزن "يحطوا "دمع" ..ما عاد يعنيني أبي لامن وصل صوتي يحس بضيقتي إنسان أبي لامن نزف جرحي لقيت اللي يداويني أبي شخص يجي يمي و يقفل للعنا بيبان أبيه يكون لي خلٍ وعلى حزني يواسيني أبيه لمركبي مرسى وأبيه لغربتي أوطان أبي لامن ذرفت الدمع لقيته لي يعزّيني أنا ما أبيه يصبح ضلع أبيه يكون لي ضلعان أبي لا من مشيت وطحت يحط يديه في يديني إلامن خانني التعبير أبيه يكون لي لسان أبي لامن سكتْ ألقاه ..يفهم من نظر عيني أبي لا من تعبت وضقت يلم الروح بالأحضان أبيه يكون لي كتاب إذا ضاعت عناويني أبي أعشق وأبي أغرم وببني للهوى بنيان أبيه يكون مبنى ضخم ويسكن فيه مغليني أبي واحد يسكن بي وابطرد لأجله السكّان أبي يسكن وسط قلبي وعمره ما يخليني أبي أشعل شموع الحب وبأعطي من الغلا بستان أبي أهديه باقة ورد ..مسقيها شراييني . |
اقتباس:
تعجبني يا محمد الجوهر:rolleyes: |
أذا صفا لك زمانك عل ياضامي....أشررررررب قبل لا يحوس الطين صافيها;)
|
| الساعة الآن 04:09 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
