منتديات ديوانـية القاريـه و لـحيفه الرئيسـيـة - حتى أسمك لا بغيت أنطقه يطلع لي أحبك . . .

----------.........------------
وين ياملح السنين . .
لي سنه . . لا والله أكثر . .
أنثر إحساسي حنين . .
واكتم أنفاسي أخاف الشوق يطلع . .
في رجا . . إنّك تجين . .
في رجا . . إنّك تعيدين الحياه . .
للي بعدك قام يصرخ . .
آه ٍ و آه ٍ و آآآآآآآآآآه . .
للي بعدك ضاع بعضه . .
وبعضه الباقي نساه . .
شوفي حالي . .
منطوي وحدي . . ولا لي . .
غير اقلّب ذكرياتي . . وانتظر طيفك يبين . .
ياااه . . ياا هالذكريات . .
تذكرين . .؟!
كم سهر طرفي على طرف ٍ يبات . .
وكم جرح ٍ مات حي . . وكم فرح ٍ حي مات . .
تذكرين . .؟!
كنت أنـــا لا غبت أجي واسأل :
بكيتي . . تسكتين . .
وأسمع أشواقك تقول :
إيه ياحيي وميتي . .
وكنت أشّر يم قلبك . . واسألك :
هو . . هذا بيتي . . كنت أسمع دمعتين . .
تذكرين . .؟!
كيف أسابق لهفتي لاجيت يمك . .
وكيف كنت اجمع حنيني وانثره من شان ألمك . .
تذكرين . .؟!
يوم أنـــا أول أهمك ماسألتي . . كيف حاله . .
طفلك . . النايم بصدري . .
وكيف لا منّه تشوّق . . قمت أحس النار حدري . .
وكيف أجاوب لا سألني . . يا ترى بالحال تدري . .
كيف أبهرب عنه . . قولي لي أمانه . .
وين أودي وجه صبري . . لا بكى فيني حنانه . .
و كيف اسليه بـغيابك . . وأنـــا أحس إنه بصدري مل ّ حتى من مكانه . .
يالله عاد . .
انفضي غبار الرحيل . . وأطعني صدر البعاد . .
ياهو . . لاعبّي الحنين . .
هه . . شوفيني حزين . .
لا الهوى هذا هواي . . ولا بلادي هي بلاد . .
ما سألتي ليه أموت ألفين مره . . لا طريتك . .
وليه أحس القلب يطلع . . بس لامنّي بكيتك . .
وليه أنـــا أفنيت عمري . . فدوه لعيونك وجيتك . .
ماسألتي ليه يعني . . وكل طاري هم من بعد تبعني . .
يمكن إن قلبك نساني . . أو يمكن ما سمعني . .
إييييييه والخالق . . " أحـبـــك "
حتى أوجاعي . . " تحـبـــك "
حتى أسمك لا بغيت أنطقه يطلع لي . . " أحـبـــك "
------------.........------------