|
معلمــه تردّ على نـورة الفايـز !!!!
معلمة في الثانوية 86 في الرياض ترد على نورة الفايز تقول: تدرون إيش المشكله في التعليم؟؟؟ المشكلة في القرارات غير المدروسة والأحلام النرجسية الخيالية... وهل هي تناسب المجتمع السعودي ام لا...؟ انا كنت في امريكا مع زوجي وأولادي كانوا يدرسون في المدارس الحكومية الأمريكية من الساعه الثامنه الي الساعه الثالثة ظهرا ولكن شاهد الفرق بين مدارسنا ومدارسهم... فمدارسهم مجهزة ومهيأة للتالي: 1- مطعم مجهز تماما من طاولات وطباخين متخصصين مساحة المطعم لاتقل عن مساحة فناء المدرسه في مدارسنا وهذا للافطار علي حساب الحكومه اما الغداء فهو بسعر رمزي وطبعا هذا لجميع الطلاب وكل من في المدرسه 2- تكيف مركزي في جميع ارجاء المدرسه 3- الفصل لايتعدي 15 طالب 4- الطلبه ينتقلون من فصل الي فصل حسب الماده أي لكل ماده فصل مجهز بكل الاجهزه والوسائل 5- حصص الاحتياطي لها مدرسين متعاقدين لهذه الحصص 6- حصص النشاط لها جدول ومدرسين متخصصين وليس مدرسين المواد 00والنشاط حسب اختيار الطالب 7- فناء المدرسه مساحته مثل مساحة مدارسنا مجهز بجميع الانشطه 8- والاهم لاحظت مدي اهتما مهم في الطالب والمعلم واعطاء كل ذي حقه حتي في العقاب لااحديتعدي علي الاخر 9- عقاب الطالب ليس بدني فهو نفسي واذا حصل الطالب علي ثلاث أنذارات يعاقب بحبسه في غرفه مع شخص متخصص يشبه السجان وعلي الطالب ان لايتحدث مع احد ولايذهب لاي مكان حتي نهاية الدوام وطوال هذاالوقت يبقي جالسا مع اعطائه واجبات000 واذا تعدي الطالب علي المعلم او شئ مخالف للاخلاق يفصل من المدرسه 10- ويوجد بكل مدرسه رجال من الشرطه واذا تعدي اي شخص بأي شئ مخالف وضعوا الحديد في يده وأخذ الي مركز الشرطه للتحقيق معه ,, اذا كانت هذه مدارسنا لا اظن ان احد يمانع اليوم الدراسي الكامل. المسؤولين للأسف عايشين في أبراج عاجية , ما ينزلون أنفسهم لواقع الناس. ما أدري ليش ارتبطت معي صورة ( نورة الفايز ) بوزير العمل ( غازي القصيبي ) , فكلاهما وجهان لعملة واحدة , غازي القصيبي بكل بساطة يقول ( مافيها شئ لو توظف الشاب السعودي براتب 1500 أو 2000 ) مجنون يتكلم وعاقل يسمع. سألتكم بالله متى يتزوج ومتى يبني بيت ومتى يقدر يكوّن نفسه !! أي منطق وأي عقل يقبل هذا الكلام !! ونورة الفايز جايه تتفصحن وتقول 30 إلى 35 حصة !! تعالي يا أبله نورة لمدرستنا ( مبنى مُستأجر فيه 300 طالبة ) الساحة حوش صغير مسقوف بشينكو , والفصول 4م في 3م هذي طبعاً لأبناء أصحاب البيت , واللي فصولهم كبيرة على 6م في 7م هذا مجلس الرجال والمقلط , واللي على 5م في 4م مجلس الحريم , والصالة الكبيرة تحت موزعة فيها بعض المرافق مثل غرفة المرشدة والمكتبة وغرفة المديرة والمدرسات , والحوش أقصد الساحة الخارجية مسوين فيها حمامات خارجية ومعامل الفيزياء والأحياء والكيمياء , طبعاً مبنى ( ثانوي ) وفيه جزء مسقوف بشينكو هذا للمصلى وآخر للمقصف ( يعني بيت جحا على قولتهم ) , وإذا جاء مطر كل المرافق الخارجية ( تخر موية ) , والفصول فوق حدّث ولا حرج , وكراسي الطالبات واصلة للسبورة يعني يدوب المعلمة تقدّر تكتب ولاحظوا معي أحبتي أن السبورة طباشير , يعني أنواااااااااااااااع الحساسية !! شئ مقرف. ونسيت أقولكم شئ مهم المكيفات ما تبرد ( تنفخ هواء على الواحد ) , الكل يحمل في يده مروحة صغيرة ( الله يخلي المنشورات والمطويات والله لها فايدة غير فائدة القراءة ) !! نتثقف ونتهوى !! عجبي ثم عجبي على المسؤولين , واللي يقهر ويبط الكبد إذا جاء مسؤول يزور المنطقة يخلونه يزور المدارس الحلوة المثالية , يا ناس يا عالم كيف نقدر نتطور !! تعالي يا أستاذتي العزيزة نورة يوم واحد ,, لا .. تعالي بعد الفسحة ولمدة نصف ساعة تعالي للساحة واجلسي ثواني ونشتكي من رائحة البنات !! بعذرهم والله , أنا كل يوم آخذ دش ومع ذلك مافيه فايدة !! تعالي اشتري فطورك من المقصف واجلسي على الأرض أشوف بتقدرين تاكلين وإلا لا !! تعالي أيام الاختبارات وذاكري بالساحة أشوف تقدرين تستوعبين وإلا لا !! تعالي حلي الأسئلة بفصل ضيق حار أشوف تقدرين تكتبين وإلا لا !!! تعالي يوم واحد واشرحي للطالبات وشوفي لا مبالاتهم وعدم اهتمامهم ووقحاتهم أشوف تقدرين تقولين كلمتين على بعض وإلا لا !!! تعالي اجمعي الطالبات في الساحة لندوة أو محاضرة وشوفي كتل اللحم كيف على بعض كيف تقدرين تمرين بينهم !! تعالي مكان معلمة عربي أو دين أو إحدى المواد العلمية دسمة المعلومات أشوف تقدرين تعطين ست حصص وراء بعض !! تعالي تكلمي لمدة 45 دقيقة فقط أشوف بيستمر نفَسكِ وإلا بينقطع !!! تعالي ساعة من ضمن 7 ساعات , وعيشي معنا , عيشي وسطنا , عيشي بينا ,, أشوووووف تقدرين تستمرين , أشوف تقتنعين براتبك !! أشوف بتسكتين على الدرجة المُستحقة والفروقات اللي راحت عليك ! تعالي الله يخليك .. أنا مستعدة أحجز لك في أفخم فندق في المنطقة وأوعدك اليوم اللي تجين فيه بخلي البنات يوزعون مطويات ومنشورات عشان تهفين على نفسك فيها ولا تخافين بندفع فيها فلوس من جيوبنا وبنخليها من ورق مقوى عشان يكون هواها أقوووووى أقوول يا أستاذتي الفاضلة ماذا يعني لك مُسمى ( تربية وتعليم ) !!!!!! |
معها حق الى متى والطلاب والطالبات في مباني مستأجررررة؟؟؟
يعطيك العافيه يا النادر |
مقال منطقي جدا ، ولكن من الظلم ان نقارن مدارسنا بمدارس دافعي الضرائب في امريكا ، والمقارنه هنا في غير محلها( يعني نقارن مدارسنا بمدارس دول الخليج مثلا) ونرى الفرق اما لصالح مدارسنا او لصالح مدارس دول الخليج مع تأكدي سلفا من ان الكفه ستميل لصالح دول الجوار
شكرا اخي النادر |
اقتباس:
قبعة احترام يا السنافي هذا الكلام ولا كل الناس تقدر تبرر اسباب الفشل .. اقول يالعجوز انت الي عايشه في برج عاجي ولا تدرين التحديات الي تواجه مخلصي الوطن لا تكون تفكرين ان المالية والميزانية بيد نورةhttp://www.alqaryh.com/vb/images/icons/icon10.gif .. |
الحبيب النادر جميل هذا الموضوع واقتبست جماله من كاتبه لانه يعرف انتقاء المواضيع الجميله وماسطرته وما ذكرته المعلمه الفاضله جميل بل وخرافي ولكن؟
هل يمكن تطبيقة ربما نعم. وربما لا. فاى تنظيم لا يقوم على تخطيط ورسم كروكيات فقط.ولكن الاهم من يقوم بالتنفيذ لهذا العمل. انها المجموعة الموقرةالتي تضع الخطط وهي الجهة التشريعية ثم ياتي بعدهاالجهة المنفذه . ومن الجهات المنفذهالمعلمه الموقرة فهي تقول ان الوضع هنا يختلف عما شاهدته في الخارج ونحن نقول بكل تاكيد ونقول ايضا وبدون مجامله ولا تحيز والمجموعة المنفذه تختلف وبكل تاكيد. فهناك النظام لا يمنح الموظف اجازة زواج . ولا يمنح اجازة مرافقة مريض. ولا يمنح الاجازة التي تعطي للمعلمه قبل وبعد الوضع والى اخره وهذه مجرد توضيح ليس الا وان كان هناك من يملك التعليل الافضل مما قلت ولكن لكل انسان وجهة نظر قد يخطي وقد يصيب ولكن في الاخر الكل يستفيد من النقاش علي العموم اتمني من كل قلبي ان اجد في من الايام ما شرحته المعلمه الفاضله وقد تحقق في مدارسنا وعلي ايدي اخوننامن معلمين ومعلمات. النادر لك محبتي وارجو ان لا تكون وجهة نظرى قد اغظبتكم فليست هي نظام ولكنها وجهة نظر. |
| الساعة الآن 07:11 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
