منتديات ديوانـية القاريـه و لـحيفه الرئيسـيـة

طال الحديث الله يعين المنابر=لاتنشدالركبان مافيه تغيير

أبشرك وضعي على ماانت خابر=من جود علام الخفيات في خير

راضي على ماقدر الله وصابر= وش حيلة المؤمن بحكم المقادير

يدابرون الكيد والله يدابر=ويفوق تدبير الولي كل تدبير

ادري وتدر ان الرجوله مخابر=والمرجله ماربحت سالم الزير

والضيق لابده مولى وعابر=ومادام جنحاني سليمات باطير

ولازلت في دربي عنيد ومثابر=طبيعتي ماقوى على الطبع تاثير

ورثتها من كابرٍ عقب كابر= اهل الوفا ذيك الرجال المناعير

احسبك للعثراه فزوعٍ وجابر=دون الخوي تنخا مطاياك وتغير

وحسبك مانتهاز والوقت غابر=واللي بجالك مايشوف المخاسير

ناديت لك كاني بوسط المقابر=حتي تعبت من اندا والمشاوير

الويل ماهو للقلم والمحابر= الويل لكفوفٍ تجنت على الغير