|
اقرأ واضحك
ياعااااااااالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا طيب يامرتي العزيزه فيه شي اسمه دمج .. رئاسة تعليم البنات بكبرها دمجوها ..ما تدمجين انتي ورقة مقاضي الظهر مع ورقة مقاضي الليل ونفتك من هالقلق اليومي .. المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين?? طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيفيجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي مره سويت فيها ذكي وبعد ماقضيت لمرتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه ..اخيرا شفت ورقة المقاضي صدق.. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي الا ومتوفر وبكميات خياليه والمشكله اذا رجعت مالقى شي كله يتوزع للفقراء والمساكين والعاملين عليها طيب وانا؟؟؟؟ .. الى درجة اني رحمت يوم شفت سفرتنا ههههههههههههههه المشكله ان مرتي تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ?? واروح البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه .. وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمةاومليت مادريت انه بيض !!! المشكله ماعندهم رحمه .. درجة الحراره في عز الصيف ألف وانت تطامر من محل الى محل وبمعية سموكورقة المقاضيلو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيييييييييييل .. ويا عيني على استخدام التقنيه .. ورقة المقاضي صارت من العصر الحجري .. الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس وما قطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه مناسبة هالموضوع اني رحت اليوم بعد صلاة الجمعه ومعي كالعادهرفيقة دربي ورقة المقاضي طولها حوالي 7.12 مترويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه منقول على لسان من اعنتهم ورقة الطلبات |
هههههههههههههههههههه ومضه امل وربي ضحكتني يعطيك العافيه هذا نصيبكمـ كل الرجال هذي شكواهم الشكوا على ربك انا تكثر طلباتي يوم الأربعا لحد يزورني او اروح لحد يكون بيدي صينيه حلا او مالح هذا حال النسوان بجد حسستني انكم يـ أ لرجال مغلوب على امركم معنا الله يسعدكـ بس وش نسوي لازم نشرفكم لحد يقول انكم بخلا 00هههههه يعطيكـ الصحه وتحياتي لك 00 |
والله خليتني ابكي على روحي وانا اقرا هالطلبات لانها تنطبق علي بالحرف الواحد
لكن من اليوم ورايح ماراح اقبل الاوراق راح اقول للمدام اذا تريدي شيء ارسلي بالبلاك (فيري) اوااااااه قصدي بلاك بيري ههههههههههههههههههههههههههههههههه |
ياهوووووه شوي شوي علينا باقي ما تزوجنا .......!
|
ههههههههههههههههههههههههههههههه
اعجبتني الكنافه الكذابه ... الله يسعدك الله يعنكم صبر جميل |
اقتباس:
http://www.lakii.com/vb/smile/2_41.gifhttp://www.lakii.com/vb/smile/2_41.gifhttp://www.lakii.com/vb/smile/2_41.gifhttp://www.lakii.com/vb/smile/2_41.gif أحياناً يكون الحق مع آدم ضد حواء .... وخصوصاً مع ورقة المقاضي . أحلى شي طول السفرهـ و السلطة اللي على بعد 60 كلم http://www.lakii.com/vb/smile/2_41.gif |
هذا بلا بوك يعقاب
وين الرونسيه طلبات * طلبات اعجبني قبل الزواج رسائل غرام وبعد الزواج ورق طلبات والسيكل اللي واقف جنب السفره موضوع جميل من رجل قادم على ورقة الطلبات |
هههههههههههههههههههههههههههههههههههههههههههههههههه هه الله يسعدكم جميعاً اعجبتني تعليقاتكم ومع هذا فليس لنا بد من بنات حوا فلازالو يمتلكون الجانب الايجابي والطاغي على جوانبهم السلبيه. ومضه امل |
حمدت الله وشكرته إني زوجة ولست زوج رحمت حالك يالمعرس تووك بدري عليك ؟؟؟ أما الكنافة موتتني ضحك ؟؟ ولدي الصغير لو سوينا الكنافة الكذابة قال أبغى رز كذاب وذاك اليوم كل شي عنده كذاب بعطيك حل ياذكي !!؟؟ غير موقع سكنك وأسكن في عمارة تحتها كل المحلات وتأكد إن موقع السكن يحتوي كل الطلبات في مرافقتك الاميرة ورقة المقضاة العزيزة وحتى اللي ممكن تكون في الخطط المستقبلية طويلة المدى قصدي ياكل الومضة والامل بعد حضور ولي العهد وخذ رقم أصحاب المحلات والله لايهينك 30 أو 50 اوحتى 100 حق التوصيل الشهري للبنقالي ولا عااد مدري وش جنسه وانت جالس تجيك لحدك مقاضيك هين قرشك ولا تهين نفسك والله الصحة غالية ماهي بعزقة بين العثيم وبن داوود وبندة ومتاجر وطني .... ودمت سالم الدوخة ووجع الراس ا ترا حتى نحن البشر لنا عمر افتراضي وطاقة استهلاك . ولا غلطانة ؟ وإن ما عجبك اقتراحي بخاطرك الحجر من الارض والدم من راسك . مثل لاهل مكة وسلامتك . ولكم ودي ووردي |
توني طالع من السوبر ماركت من 10 دقايق من الآن
والفاتوره مادخلت جيبي من كبرها والحسابه بتحسب ههههههههههههههههههههههه |
| الساعة الآن 11:13 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
