|
من العايديين بعد الزحمه
السلام عليكم ورحمه الله وبركاته اخباركم وعلومكم يا غالين وكل عام وانتم طيبيين ومتعافيين ودبييين وحشتوني كتير لاني ما كنت ادخل كثير تعرفون اجازه ورمضان كريم وعيد ومقاضي العيد اعرف اني مهمه وانكم تايهيين من بعدي وما الومكم فيني بس التمسو لي العذر<<تكفيين المهم بروح احط راسي وانام بكره مدرسه الله يعيين على القومه بدري وتجهيز الفطور ومشتقاته االمهم يا حلويين اكيد كلكم عيدتو ولبستو ملابس العيد وكشختو وكل واحد ووحده فيكم يشوف نفسه يوم العيد احلى واحد <<اكيد تقولون اختصريي وش تبغيين الحين الحين بقول لكم كل واحد فيكم يقولي وين عيد وكيف كان عيده من يوم اعلنو العيد الين ثالث يوم ولبسه قديم او جديد << وش دخلكـ لقافه المهم وش كان شعوركم يوم قالو بااقي يوم على رمضان وانتم رازيين الكشخه هههههه عني انا جوات نفسي انحرجت وحزنت كنت متجمعه مع اهل الغالي قوزي ونفطر ومبسوطيين تعرفون عائلتنا كبيرره مررررا قولو مشاء الله لا تصكونهم بعين ترو اروح كل قسم في المنتدى واجمع اثركم واغسل لهم علشان تروح منهم العين لانو انا بحبهم كتيرههههههههههه المهم يوم العيد اجهز القهوه والفطور وارتب البيت وحط الفحم على النارعلشان البخور ويكشخ شيخنا الي هو قوزي الحنون ويتبخر ويطق بلمشلح بسم الله عليه ونلبس العبي ونتجمع كذا سياره ونروح المشهد معا نصلي ونستمع لخطبه العيد ونعيد على بعض هناكـ بعدها نرجع نتصل على الغاليين ااخواني خواتي والاقارب والاصحاب ونعيدهم بعدها ونكمل الكشخه والبخور والعطور ونشيل الفطور ونروح بيت الوالد نتجمع فيه الله يجعل قبره روضه من رياض الجنه ويوسع منزلته اللهم امييين نحط للرقاله قهوتهم وفطورهم والعلوم الزينه والنسوان زيهم طبعن احنا يا ستات كل وحده جابت فطور انا جبت مبثوث ونواشف وثلاجه قهوه والي جابت عريكه والي جابت مشغوثه والي جابت فول والي جابت بيض والي جابت كبده 0000لخ المهم تكون السفرتيين رجال ونسوان كامله من فطور وحلا ومعجنات ومشتقاتها وكل وحده على كيف ابو شكلها الي تجيب تجيب بس اهم شي ما تجي فاضيه ورازه الكشخه وكما ن جايبيين هدايا للأطفال كل وحده وذوقها وطراطيع وبلونات كل شي من حركات الحفلات علشان الصغانون نفرحهم على قولة الغاليه عمت قوزي العيد لهم ونرجع بيوتنا على الظهر نصلي وننام وبعدها نقوم الساعه 5 نكشخ من جديد الله يعين ونروح الاستراحه وسهر وبسطه هذا اليوم الاول والثاني نطلع بر او بحراو جو <<تكفيين والعشاء والقهوه على الرجال شاهي على الفحم وشوي وكلو: والنساويين مريحيين لانا تعبنا اول يوم وانتم تعرفون ثالث العيد الكل منا يعيد على من يحب من الاقارب والجيران وهيك بس انا والله ما نزلت من جده غير امس لا احد يزعل مني يا اهل مكه الطيبيين بحبكم كتير كتير واعرف اني مقصر اعذروني غلاكم بقلبي والله شاهد :يلا يا غاليين قولو لي كيف كان عيدكم والحين ياللي يداومون وخاصه المدارس ههههه وش شعوركم بعد الاجازه والدلع والعيد جبت لكم الكأبه بي عنكم والله لو انكم زي المدارس الي في برنامج الشقيري (خواطر) ما كنتم مكتأبيين ولا منكمشيين الله يطعني عنكم ههههههههههههههههههه يلا فديتكم الكل يقولي عن عيده بالتفصيل الممل لا تخلووون شي انتظركم وكل عام وانتم حلويين ومبسوطيين وطييبن ولربي قريبيين <<تقول ياربـ ايمن يقول حلو حلوويقول لنا عن عيده :p تحيات هموسه الطيوبه لجميع |
دام عزكم ومن العايدين الفايزين وكل عام وأنتم طيبين اسرتكم العريقه مضرب مثل وعميد أسرتكم الحالي يسير على نهج والده رحمه الله رحمة الأبرار والخير عند أهل الخير ماينقطع. وعوده حميده الى الروتين الممل. تقبلي مروري>>>>>>>> يا همس الغروب
|
ومن العايدين همس الغروب
خبر العيد تمنيت لو كان الشهر كامل ولكن امر الله قضى بالنسبة لي لم أشتري اي جديد للعيد مشتري ملابس جديدة في الصيف يعني شهر 8 اول يوم العيد وعند الأنتهاء من صلاة العيد ذهبنا الى ديرت أخوالي مباشرة ومعنا كل ملتزمات الفطور السبب السلام على ابو الوالدة جدي محمد بن شايع الله يحفظه مرينا على جيمع لاخوان والخوات والخالات والعمات وجميع من يعز علينا ثاني يوم العيد ذهبت لكي أسلم على الأ صدقاء في أبها وخميس مشيط ثالث يوم العيد ذهبنا وحضرنا مناسبة زواج لأحد الجماعة وكان الحظور في العصر وسلامتكم |
شوفي طفشتيني بقولة واش سويتوا وين عيدتوا واش لبستوا ما لش شغل عيدنا وخلاص
والا تدرين أدري إنش حشريه تبغين العلوم من طقطق لسلام عليكم أعلنوا العيد ويالله سكتوا اللي يكبرون في المسجد بأصوات مزعجه بصراحه والإمام سبق أن نبه عليهم بعدم إزعاج الجيران وفي النهايه رحت لهم بعد العشره مساءاً وقلت واش الهدف من هذه الأصوات يا أخي التكبير ليس ضرورياً أن يكون بهذا الشكل قالوا على شان الناس يعرفون إن بكره عيد وكان في زمن الرسول يكبرون في الأسواق وغيرها قلت جميل جداً إذا الهدف إعلام الناس بأن غداً عيد . لعلمكم فقد وصلنا الخبر بعد المغرب مباشرة من جميع قنوات العالم ولا حاجة لنا بكم فالذي تعملونه هو عباره عن إستعراض أصوات ليس إلا وبعد أخذ ورد توقفوا تحت التهديد بإخبار الشرطه (الأخوان جسيسه طبعاً ) المهم نمنا حوالي ثلاث ساعات وقمنا لصلاة الفجر ومعي ثوب ( صون ) أكيد تعرفين الصون والبذله لبسته وتمشلحت وعلى المشهد وصلينا ونحن على موعد للفطور عند أبو ياسر وارجع مثل الذيب ... لا والله لا ذيب ولا شيئ .. رجعت بهدوء وطلبت من أم خالد والبنات سرعة التوجه للسياره لا يخلص الفطور قبل نوصل العوالي وأتمشخص أنا وأم خالد في سياره وسلطان وأخواته مع خالد الله يحفظهم في سيارته ونجتمع عند ابو ياسر الله يكرمه مع إنني حاسب حساب العام القادم يالله عمر وعافيه .واش نسوي مثل ما لها عليها والله أفطرنا فطور زين ونروح ندق ذيك النومه للعصر ومن ثم رحت جده في الليل أعايد على أبو وأم وليد وأبناؤهم وارجع ويالله جا النوم ويالله جا النوم لكن ما فيه فايده حتى وقت متأخرمن الليل . المهم في عصراليوم التالي طلعنا الطائف معزومين عند الحبيب أبو عبدالرحمن ( محمد الحاقان ) ذهبنا أول مره عند خالتي مزهره بنت أحمد وعايدناها وعند أرحامنا ثم عدنا للعزيمه وتعشينا عنده ذاك العشاء اللي يبيض وجهه ثلاثة خرفان مثل الموز وكان معنا كثير من أرحامنا ومنهم أبو أحمد مشرفنا العام والإبن خالد بن محمد بن مفرح وغيرهم . عينا خير ونزلنا وفي اليوم الثالث معايده هنا وهناك واستمر الوضع على هذا الحال تماشي وخمول وعدم إنتظام واليوم يا بنت أبوها الله يعينش على المدارس أما أنا فمتقاعد منها كلها وسلامتش ومن يسمع . خلاص إنبسطتي |
اولا كل عام وانتو جمعيا بخير
كتب الله عليه واني اعيد في الديره من اجل حضور مناسبه في العيد واه اه ياله من عيد الحمد لله على كتبته اول يوم افطرت مع الاقارب في الديره ورجعت ونمت الى العصر ومن العصر الى اخر الليل في المستشفى مع ابنتي مريضه صحيت اليوم الثاني ومع ابني طول اليوم في المستشفى والله مثل مااقولكم ثالث يوم دوري من اخلي قسمي له انا في المستشفى الين الساعه 10ونصف في الليل رابع يوم المناسبه وحضرناها ولله الحمد وخامس يوم سافرت الى مقر عملي وهذا عيدي كله مستشفيات وعلاقات مع الدكاتره ولكن من صميم قلبي ولحد يزعل مني ياناس الديره والله صعبه في غير الصيف وسامحوني على الاطاله |
ماشاء الله تبارك الله وشب لهجتش تغيرت ياهموسه معايده فى مصر انت وقوزش قوزي قوزي المهم يابنت الحلال سلامتش اكيد يوم قالوا عيد فرحنا واستبشرنا كما كان رسولنا الحبيب يفرح ويستبشر بالعيد بعد مااستودعنا رمضان نسأل الله القبول والله ذيك الليله زي كل ليله قبل العيد نحاول ننام لكن مافيه فايده المهم صليت الفجر وعايدت على الوالد والوالدة وتليناها انا والوالد الله يحفظه على مصلى العيد بعد الصلاه على البيت افطرنى ذاك الفطور الله يبيض وجه الوالدة العريك والعلوم الطيبه بعدها طلعنا للمعايده على بعض الاقارب ورجعت البيت ونومه وفى عصر ذاك اليوم جانا الطاروق وبعض الاقارب الله يكتب اجرهم وفى الليل جا مخاوي الذيب الله يرفع قدره فاليوم الثاني طلعنا تغدينا فالديره وكملنا على اهل الديره من زيارات ومعايده ونزلنا قبل العشاء وثالث يوم زواج لأحد الاصدقاء هذا تقريبآ الى صار وسلامتش ياهموسه وخلصوا البيت عشان نجيكم ونعايدكم احس ان اخرتها بيحط لكم زوقك خيمه وسط الحوش وياعين لاتبكين وياقلب لاتحزن اتخيل بناتش طالعين من الخيمه رايحين المدرسه هههههههههههههه وانتي تعزقين فى عيسانش هههههههههههه |
اقتباس:
أنت ما تدري يالكويس إنهم تعمدوا هي وقوزها يرممون وقت العيد على شان ما أحد يجيهم فيه شوية عفرته باينه |
اقتباس:
اقتباس:
ههههههههه الله يستر ياابوخالد لا تطول ته العفرته الين عيد الاضحى |
ويديم لك العز يـ الذيب وانت بخير وعافيه وكل سنه وانت بصحه تسلم على مرورك الكريم الذي يسعدني وربي يعين الجميع الدراسه زينه وشينه زينه بتنظيم الوقت وشينه بلربطه ربي يعينا ويوفق بناتنا وشبابنا لما فيه الخير والصلاح |
يسلم قلبك اخي سعيد وكل عام وانتم بصحه وعافيه اعاده الله عليناوعليكم بكل خير والله يكتب لكم الاجروالثواب اخي سعيد ساداح تسلم على وجودكـ الدائم: |
| الساعة الآن 05:09 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
