الصورة اللي بجوالي تعذبني
الصـوره اللـي ( بجوالـي ) تعذبـنـي
............................ياكثـر ماجيـت ابمسحهـا ! واخليـهـا ياللي جفيت وجفـاك المـر .. ذابحنـي ............................عقبك وجيـه البشـر .. مانـي بدانيهـا من يوم حبك .. غزى القلـب وتملكنـي ............................قطعـت كـل العـلاقـات وطواريـهـا اقـرى رسايلـك ودموعـي تسابقـنـي ............................وارد ! واقرى الرسايل .. واحتفظ فيهـا انت آخر انسـان هاقـي منـه يصدمنـي ............................والظاهـر ان هقوتـي بانـت مواريـهـا لـو الوصايـا ليـا احتديـت ! تنفعنـي ............................ياكثـر نـاس ٍ علـى ذودي بوصيـهـا ليت الفـرح ( بنـك ) لاجيتـه يسلفنـي ............................واقاصده ( راحتـي ) وحقوقـه اوفيهـا من كثر ماكنـت ! جارحنـي وظالمنـي ............................قمت اعزل جروحـك بقلبـي واسميهـا تـدري وش اللـي يبكينـي ويضحكنـي ............................انـك محـامـي قضيتـنـا وقاضيـهـا تدري متاك ؟ تعـرف قـدري وتفقدنـي ............................لارخصت نفسك ,, لشخص ٍ مايراعيهـا بكـره الا هملـوك الـنـاس تذكـرنـي ............................وتقول عـزاه : عينـي مـن يداريهـا ؟ مدام غيـري ؟ علـى قلبـك مشاركنـي ............................وش هـو لـه ؟ اعلـق الأمـال وابنيهـا يكفينـي انـك رحلـت ومنـت عايفنـي ............................هذا عـزا النفـس مـن كثـرة بلاويهـا اهديتك : دمـوع مـن طعنتـك تحرقنـي ............................وانـت اللـي تستاهـل الدنيـا ومافيهـا واهديتني جرح .. موجعني ؟ وعاجبني ؟ ............................لــن الهـدايـا عـلـى مقدارمهديـهـا صحيح ! ( حنا انتهينا ) .. بس صدقني !! ............................والله ان تبقى ( هوى روحـي ) وغاليهـا مفضوح ؟ راع الهيام .. ونظرته !! تغني ............................ملامحه واضحه ! , في وجهـه راعيهـا لكـل داء ٍ دوا .. لـو هــو متعبـنـي ............................إلا محبتـك ؟ .. أعيـت مـن يداويـهـا ان قلـت : علمنـي انسـى ؟ لاتعلمنـي ............................دنيـاي لامـن نسيتـك ويــش تاليـهـا فارقتنـي وضحكتـك عيـت تفارقـنـي ............................والله يلعـن ابــو الفـرقـا وطاريـهـا مقدر !! أفكر بغيرك ؟ .. وانت عارفنـي ............................عشان حاجه ؟ بقلبي .. مقدر !! أخفيهـا اخاف لاحبنـي غيـرك ؟ .. وعاشرنـي ............................يشوف صورتـك فـي عينـي ويوحيهـا نشدت عنك ؟ وسمعـت اللـي يفرحنـي ............................وارتاح صـدري مـن همـوم ٍ يحاتيهـا تبي تعرف ! وش ؟ على الفرقا مصبرني ............................انـك بخيـر .. وحياتـك مهتنـي فيهـا مـن يـوم ماغبـت ! والوحـده تعذبنـي ............................اقرى ( رسايلك ) في حرقـه والاحيهـا اشوف ( صورتك ) .. ودموعي تسابقني ............................وياكثـر ماجيـت أبمسحهـا ؟ وأخليهـا |
راااااااااائع
ليت الفـرح ( بنـك ) لاجيتـه يسلفنـي ............................واقصاده ( راحتـي ) وحقوقـه اوفيهـا |
يعطيك العافيه ذوق رفيع
|
يعطيكـ العافيه استاذ سعيد روعه |
http://4upz.almsloob.com/uploads/ima...089614b884.gifبسمة امل & للصمت هيبه & همس الغروب..
|
الساعة الآن 03:33 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir