منتديات ديوانـية القاريـه و لـحيفه الرئيسـيـة - عرض مشاركة واحدة

#1 28-02-2010, 12:41 PM

قصيدة رثاء من سمو الأمير خالد الفيصل لوالده الملك فيصل بن عبدالعزيزالذي قتل في يوم الثلاثاء الموافق
13/3/1395هـ
رحمه الله رحمة واسعه وأسكنه فسيح جناته

لا هنت ياراس الرجاجيل لا هنت
ولا هان راس في ثرى العود مدفون

والله ما احطك بالقبر لكن آمنت
باللي جعل دفن المسلمين مسنون

منزلك ياعز الشرف لو تمكنت
فوق النجوم اللي تعلن على الكون

سكنت دار المجد يا شيخ واسكنت
شعبك معك وقلوب ناس يحبون

صنت الامانة حافظ ما تهاونت
وعلمتهم وشلون الاشراف يوفون

كم ظالم عاداك واعفيت واحسنت
واخلفت ظن جموع ناس يظنون

بالزهد والمعروف والصبر كونت
منهاج فيصل منهج اللي يعرفون.....

تلفتت روس المخاليق وين أنت ؟
وين العظيم وعود الشوف مطعون

كم خافق وقف عقب ما تكفنت
و كم ناظر ذوب سواداه محزون

لو شفت حال الناس عقبك تبينت
مقدار حب الناس للي يودون

مما بقلبي قلت يابوي لا هنت
و إلا انت فوق القول مهما يقولون