أنا أشكرالغالي على بدع الاشعار= من طيب أصله قايل ما طرى له
ماني بشاعر لكن القول يختار = مخرج ليا ما لقي رجل قباله
صنديد مثلك له مسافير واسفار = شيخٍ ولد شيخ والعز فاله
ترحيبكم غالي وله ألف مقدار = بعداد من يقرون هذي الرساله
خل التوكل على رب الابرار = واترك صغار القوم وايا الحثاله
هذي سنن ربي في الخلق أطوار = واحد يسد العلم والصبر ماله
وواحدٍ ثاني كما الطبل والطار = فارغ ولا ينفعك حتى ظلاله
عزي لكم من ضيم دهرٍ ليا جار = خابرك فارس مكتسي بالرجاله
إبشر بما ينقصك دنيا ودينار = والمعذره لو في كلامي مياله