جانا جواب الشيخ ثبت مقاله=فالصدق مثل النور ماله ضديدي
وماغط الحق لوكان ضدي =ماينفع الكذاب قولة جحيدي
قال اشرح التفصيل لو كان ضدك=نشوف الخطا والقدى والرد وكيدي
شرحت بالتفصيل والله معنى =وكل الرجال شهود والله شهيدي
فقال يالشايب علومك مفيدة = والكمبيوتر أظن راس القصيدي
لك ربع ساعة ثم يقفل حدوده =يحفظك اٍذا ضدوك ناس بعيدي
فقلت أنا يالشيخ خبري قليلي=ضاعت مراسيلي بصحراءالفقيدي
الكمبيوتر للمسولف قرايح= لياصار مثلي جاهل أو بليدي
لا والله اللي صاب قلبي سهومه=معروفة من دون شرح ونشيدي
فقال لي دروب المناقيد صنها=اٍصحا تطاوعها على ما تريدي
اللي يقدم طيب جازاه طيبه=واٍعرف ترى الأيام تبغى الحصيدي
فقلت أنا يالشيخ ماني اسطوانه= ليا دق العود ماله نديدي
وليا سمع صوته بداخل شريطه=قال اشهد اٍني شيخ ماحد عليمي
وليا انتشر صيته غدى له مغني=كل يقدم شكر أو مال رصيدي
أنا يالشيخ حدي وجدي =حالوا عليه القوم بضرب الثميدي
من الطايف لنجران لجيزان=اليا عدن لصنعا مثل الوريدي
أذكر قبايل بالقرون القديمة =أهل الشجاعة يوم بيع العبيدي
المدح لها يالشيخ يرعد رعودي=واٍلا الردي مافيه كون الهبيدي
هم عزوتي اٍذا نخيته لقيته = هم سيف يمنايه ودايم عضيدي
من هان قومي هنته وأثبت كلامي=على العدا شبيت نار الوقيدي
وأنا ولد عبس ماني طريدة = من ساس بيت الريش أوالجريدي
انهانت الأحرار بدنيا العبيدي=تاريخنا لوباد الحجر مايبيدي
فقال لنا الشيخ حقك علينا =وماعلى عيال القبايل مزيدي
اليوم في الاٍسلام يالله تديمه =احناجنود الدين الباس شديدي
جيش وحرس والأمن حن ساندينه=ومقاتلات الجو ترعد رعيدي
والشاعر اللي مايقدم تجارب = في منتدى القاري نخليه بعيدي
فقلت أنا يالشيخ ابشر وهلي= ترتاح نفسي بين القوم ياسيدي
قصرت أنا في المدح غير عذروني= واشهد بأن الحق خصم العنيدي
صلوا على المختار يالمؤمنيني =عد الحجر وعداد رمل الصعيدي