منتديات ديوانـية القاريـه و لـحيفه الرئيسـيـة - عرض مشاركة واحدة

#1 06-04-2010, 04:25 PM

طــول غيـابـك مـــا عـرفـنـا خـفـايـاك

نــــــوبٍ تــــــروح ونــــــوبٍ تـبــيــنــا

الهاجـس اللـي هزّنـي يــوم فـرقـاك

مــا هــز قـلـبـك يـــوم حِـنّــا انتهـيـنـا

عذَبتـنـي يــا قـاسـيَ القـلـب ويـــاك

حـبــك شـقـايــة و الـجِـفــا مبتـلـيـنـا

وش فـايـدة قـلـب يـحـبـك و يـهــواك

لا صـــار قـلـبـك قـاسـيـاً مــــا يـلـيـنـا

يا ما سهـرت الليـل مـعْ طيـف ذكـراك

احــس فــي طيـفـك يــروح و يجـيـنـا

ارســم خيـالـك فــوق طَـلّـة محـيـاك

شـمـس الصـبـاح الـلـي عليـنـا تبيـنـا

اشفق على قربك و شوفـك و لقيـاك

و اذكــر مـكـانـك يـــوم حِـنّــا التقـيـنـا

حـتـى مكـانـك كاتـبـن فـيــه ذكـــراك

يـامــا ضحـكـنـا فـيــه و يـامــا بـكـيـنـا

واليـوم راجـعٍ تعـتـرف فــي خطـايـاك

لـيــه الـهـجـر مـــا دام حِــنّــا وفـيـنــا

ضاعـت حياتـي بيـن صـدّك و رجـواك

و ضاعـت حياتـك يــوم راحــت عليـنـا

مثل الغريق اللي على حوض الأدراك

حِـنّــا غـرقـنـا بـالـهـوى مــــا نـجـيـنـا

هـذي سِواتِـك مـن يسـوي سِـوايـاك

يـــا خـايــن الـعـشـرة تـرانــا سـلـيـنـا

خـلاص هـانـت كلّـهـا أيــام و أنـسـاك

حـــبٍ جــديــد غــيــر حــبــك لـقـيـنـا

مات الخفوق اللي يهوجـس بطـرواك

مـرحــومْ يـــا حـــبٍ تـوفــى حـزيـنــا