من شق جيب الناس بيشق جيبه = كلام ناس مالحقنا عصورها
لاودي أنطق كلمة دون معنى = إزرع وتلقى حبتك من بذورها
ومادام راسي حي عندي عزيمة = نصبر على ظلم الأقارب ودورها
عابر سبيل خاطره وسع الصحاري = والأجواد في غدرا يقدينا نورها
مخالب وأنياب وإن نخيتها جتني = مثل سرحان يطوي ياولد كورها
ياجاهل بحذوف سود الليلي = لابد من عقب غيبتها من حضورها
يارب ترحمني وتغفر ذنوبي = ياخالق الكعبة وناس تزورها
الأيام واجد والمقادير تجري = وكل يوم يطلع لنا عدو من طيورها
هذاك يضحك بالوجه والآخر ملتوي= لسانه كما السياف ينضح بشورها
الأنذال درب الخير تغويك منه = ماتنعرف طلعاتها من حدورها
تورث الفتن بين القريب وقريبه = وفي حزة المواجيب تدخل جحورها
بي عبرة كنيتها ما حكيتها = من كلمة الرديان غشت قدورها
ناس حسدها وحقدها ماينحصى = ويوم القيامة مظلمات قبورها
حاجتك من عند الردي ماتنوشها = دار بها الحقران ينفر نفورها
وختامها يالقاريين اعذروني = لي شيبت ماعاد يرجع بكورها
دعيت ربي يعلم السر والخفا = على الحاقدين الشامتين في غورها
الله ملاذي ماحد غيره ارجيه = بقدرته ينتقم يندار عليها دورها