12-06-2010, 08:48 PM
|
|
|
بوح الاحــــاسيس
منقول
اعجبتني وحبيت اطرحها
الصبر عن بوح الاحاسيس قتال
والبوح في بعض المواقف فشيله
لو كل ما يطري على البال ينقال
ما كان شفت ان الثقيله ثقيله
ابطيت اكافح ضيقة البال بالبال
وادفع بلا هاجوسها كل ليله
لين اقبلت..مثل السحابه بهمال
تشفي غليل اللي تزايد غليله
مابي تناقلها هل القيل والقال
وتصير من بعد القصيره طويله
اشيل حملٍ لو يشيلنه جبال
الله وامانة غير تصبح نثيله
أرمي من هموم الزمن وأسحب وأدّبال
وانزل عن "الجوكر" وغيري يشيله
من كثر ما شفت بحياتي من انذال
بديت اشك ان النذاله...فضيله
ما طاح من عيني رجل طاحوا رجال
ورجال(يابن حنيف)ما هي قليله
اقرب من اللي قالهم ضمن ما قال
راكان بن حثلين راعي الجزيله
(هذا ولد عمٍ وهذا ولد خال
وهذا رفيقٍ ما لقينا بديله)
هذا الزمن يبغاله لسان دلاّل
من يستحي هالوقت واعزتي له
وقتٍ به(الراعي)غدى راعي دلال
كلٍ على طاريه ينفض شليله
ومن كان ساسه للردى مضرب امثال
اليوم يحسب من كبار القبيله
المال يابن حنيف ملعون ابو المال
ذل العزيز وعز ناسٍ ذليله
|