20-10-2010, 01:37 AM
|
|
|
ألا واشيب عيني يوم قالوا لي فمان الله
كلمات بمداد الذهب للشاعر الأمير عبد الله الفيصل :
ألا واشيب عيني يوم قالوا لي فمان الله *** وتحققت انهم من عقبها جمعاهم مقفيني
تغايا لي خيال الموت يومه مد لي يمناه *** ولد بعينه الخرسا عقب ما قفى يراعيني
نهت وقلت مما جال بالصندوق واعزاه *** سراب اللال باكر يطرد ما بينه وبيني
حلفت برب خلقه لو يطول البعد أنا ما انساه *** وشلون ابيع اللي من العربان شاريني
تصبر يا خفوق صار داه اليوم وسط رداه *** على رجوى ان رب العرش يدنيهم و يدنيني
مثل ما خذت قلبي المحبوب عطني اياه *** على شان انتساوى في المحبة بالموازيني
ايلا قارنت غيرك بك خجلت و قلت : وانقصاه *** وشلون اقارن كامل الأوصاف بالشين
ولو هو في حلى يوسف كسف لي بنت نور اضياه *** وختم القول رب بك تبلاني يقويني
|