منتديات ديوانـية القاريـه و لـحيفه الرئيسـيـة - عرض مشاركة واحدة

#1 25-06-2012, 10:14 PM

تناسيني بنفس الموعد اللي به ذكرتيني
أنا ما أقدر أعيش اللي بقالي من العمر بأوهام
عبس وجه الزمان وزاد لومه لا تلوميني
بغى جور الهوى وأنهى سنيناً من صبر وأحلام
أبغفى كني الطفل الغرير ولا تصحيني
أبي أرتاح من بعض الشقى ومن لعبة الأيام
طلبتك كان لي في داخلك بعض الغلا اجفيني
ترى حر الجفاء أهون كثير من الوهم لو دام
سلام الله على وقتاً مضى وما صار به فيني
خباء ضي القمر والشمس ما قد شعشت من عام
هناك بعيد وياء الشوق غنيني وحبيني
وهنا لا تقربي ضاق المكان من زحمت الأقدام
هواي العاف يا أسمى القصايد في دواويني
أنا لي قلب مايقوى يضيم ولا يبي ينضام
تخيرت ابتعد والصمت والوحدة عناويني
وإذا ودك تزوريني تعالي بس في الأحلام
تناسيني في نفس الموعد اللي به ذكرتيني
أنا مقدر أعيش اللي بقالي من العمر بأوهام