السلام عليكم ورحمة الله وبركاته
اقدم لكم مصقعة تأكلون أصابعكم وراها خصوصا انها بدون زيت وفوق هذا لذيذة بمعنى الكلمة
اتمنى تجربونها خصوصا للي عندهم كوليسترول وللي يحافظون على صحتهم وللأصحاء
بسم الله نبدأ
المقادير
باذنجان وبطاطس
لحمة مفرومة
بصلتين وفلفل بارد
حبة طماطم
بقدونس مفروم
صلصة
ملح بهارات
الطريقة
* اولا جيبي البطاطس والباذنجان واغسليهم زين وقطعيهم شرائح وسط
* صفي الشرائح بصينية ممسوحة بزيت ورشي عليهم ملح وبهارات ودخليهم الفرن من تحت
وإذا احمر ولعي النار من فوق عشان يصير مشوي
وكذا شكله بعد الشوي لذيذ جداً 
* حطي اللحمة في مقلاة على النار وحركيها لين تستوي بدون إضافة اي شي
* قطعي البصل والفلفل واضيفيه على اللحم مع شووي زيت والملح والبهارات وقلبيه حتى يذبل البصل
* قطعي الطماطم مربعات صغيرة واضيفيه الى اللحمة مع ملعقة صلصة وملعقتين ماء حار
* وفي النهاية اضيفي البقدونس وبكذا انتهينا من اللحمة
* صفي في صينية طبقة باذنجان وفوقها طبقة بطاطس ثم طبقة لحمة وكرريها مرة ثانية
* بعدين جيبي المقلاة اللي سويتي فيها اللحمة وقبل ماتغسلينها وحطي فيها بيالة ماء
حار وشوي بهارات وشوي صلصة وحركيها زين وصبيها فوق الصينية
وحطي قصدير على الصينية ودخليه الفرن لمدة 15 دقيقة
وبالهناء والعافية
يابنات انصحكم تسوونها لانها فعلاً لذيذة لذيذة لذيذة والاهم انها مافيها قلي ابد
وبالهناء والعااااااااااااااااااااااافية
أبي التقييم الحلو ياحلوات