قلبي كيف انسرق وضلوع صدري حصونه ؟
اعجبتني فأرجو أن تنال إعجابكم
القصيدة .. لـ متعب التركي
قالوا حبيبك يسمع الشعر قلت إيه يقرآه بعيوني قبل تسمعونه
لولاه حتى طاري الشعر ماأبيه مير أكتبه من شان خاطر عيونه
هو روح شعري وامنياته وماضيه جذع الشجر وش كان لولا أغصونه
اكتب لغيره والقصايد تجي فيه كن القصايد حالفه ماتخونه
هذاك لامنه زعل قمت اهاديه حتى وهو مخطي تعذرت دونه
يمكن لوانه يلمس الجرح بيديه يستغرب ان اللي لمسها طعونه
ابطى وهو غايب وزلت حراويه وأنا من العام اتحرى مزونه
هومادرى اني في غيابه محاتيه ليته نشّدعن حالي اللي يجونه
وقلبي اللي توه افلت عراويه كيف انسرق وضلوع صدري حصونه
عجزت ارده كن ماني براعيه يوم انتثر شوقه وهاضت اشجونه
يبسن عروقه لكن اللي يعزيه ان اكثرالعالم تردد لحونه
خافوا من الله لاتجيبون طاريه لاصرت انا موجود لاتذكرونه
لو كل غالي جابه الله لغاليه ماشفت لك مخلوق تبكي عيونه
التعديل الأخير تم بواسطة الطفلة البريئة ; 15-07-2011 الساعة 08:26 PM.
|