24-08-2011, 04:25 AM
|
|
|
اهل القارية ولحيفة اغرآب في ديرتهم
في يوم من الايام كنت بالمرحله المتوسطه وصغير بالسن وكنت اسأل الوالد هالارض لمن يقول خالك فلان او عمك فلان والارض اللي وراها لولد فلان وكلهم من جماعتي وربعي ومبسوط اني بين ربعي وعزوتي ,,,
كبرت بالسن ودار الزمن وجا يوم يسألني فيه اخوي الصغير يقول هالبيت لمن ما رديت عليه ابيه ينسى ,,طبعن رجع وسأل مارديت ,,المرة الثالثه جاوبته وقلت لواحد تهامي ما اعرفه قال طيب واللي جنبه قلت لواحد تهامي ما اعرفه
قال : كيف يسكن عندنا وهو مو من جماعتنا ولا يقرب لنا ,, ما اكذب عليكم ان طفل صغير افحمني بسؤال ما عرفت ارد عليه ,,,
رحت لمكتب العقار بتمنية ع امل اني احاول الحق ع ارض بين جماعتي قبل لا يجي التهامي ويشتريها واصير بعد كم سنه غريب بديرتي ,,سألت عن سعر ارض اعرفها واعرف راعيها قالي ب120 الف قلت طيب والثانيه قال ب 150 الف,,,
الاراضي قبل كم سنه كانت ب 70 الف ونشوفها كثيره الحين صارت توصل بهالمبالغ مع العلم انها ما زادت الا حصى يعني لا بيفتح مشرووع جنبها ولا مطلة ع طريق الملك عبدالله ليش زاد سعرها ؟؟قال: راعيها حدها بهالمبلغ.. قلت الله يرزقه الصك عنده وفلوسي بجيبي,, ماله مني الا الدعاء.
قبل فتره كتب احد الاخوان موضوع عن ال سرحان وعن الاراضي اللي بسعر رمزي بينهم وما يبغون احد يدخل معهم اعجبتني فكرتهم واعجبت الجميع ,,,, اليوم رجعت لتمنيه لقيتها بين تهامي واخر انا ملاحظ فيه تنااااقض ولا خوفهم ع ديرتهم اكثر من خوفنا على ديرتنا
انا ما ابغى اسعار الاراضي ترخص لان كل واحد بكيفه لكن تبيع للتهامي لانه اعطاك سعر ما تتوقعه هذي المصيبه
اعذروني ع الاطاله لكن الموضوع كل يوم يكبر,,,,
|