يالله ياللـي تعلـم السـر والغيـب
يالرب يامنشي صـدوق الخيالـي
يامدبـر الدنيـا بحكمـه وترتيـب
انـك تجملنـي ليـا جـا مجالـي
وابعد عن الزلات والشك والريـب
وارقى على كل الرجـوم الطوالـي
واسمو مادام الشعر معنى واساليب
لاصار في ربعي خيـار الرجالـي
ادور الجزلـه واكـب الهذاريـب
واصيح لافكاري وغصب اتعنالـي
اصرف من المعنى بفن(ن)وتهذيب
اغلى من جنيه الذهـب والريالـي
لاد التحيفي والقاري وافريـن المكاسيـب
امعربيـن اجدودهـم والخـوالـي
حنا رقينا فـوق روس المراقيـب
من طلعـة الدنيـا ليـوم الزوالـي
مانشرب الا صافيـات المشاريـب
لامن وردنـا كـل عد(ن)زلالـي
ولامن لفانا الضيف خير المعازيب
تفخربنـا لاشـك صفـر الدلالـي
اهل صخى ومكمليـن المواجيـب
ومانذبـح الا الطيبـات الجزالـي
معنا عطايا الله حـرش العراقيـب
جرد الرقـاب النـادرات الغوالـي
حنا هل المعروف والعدل والطيـب
ولانقرب ادروب الردى والخمالـي
حنا هل النخـوه ولابـه عذاريـب
وحنا هل الميقاف واهل الخصالـي
وقفاتنا وحـده بوقـت الصواعيـب
ونشيـل حمل(ن)ماتشيلـه جبالـي
حنا ترى الشجعان عكف الاشانيب
ومادامنـا شجعـان لا مانبـالـي
الصقر مايشبعـه غيـر المخاليـب
وحنا صقور(ن)مانصيـد الهزالـي
انعامل الطيب بطيب(ن)وترحيـب
واللـي يعادينـا مايلقـى مجالـي
اللي من الدنيـا صلتـه اللواهيـب
يلقابنا مـن جـور وقتـه ظلالـي
في سترنا تبقى البنـات الرعابيـب
شرع(ن) لنا من مبطيـات الليالـي
صغيرنا من طلعتـه كنـه الذيـب
وكبيرنا حـاز الشـرف والكمالـي
نظراتنا فـوق النجـوم المشاهيـب
لاشك مانرضـى بغيـر المعالـي
فالتجربه شايب ولو ماظهر شيـب
وامشي على وضح النقا باعتدالـي
قلته وانا عضيله معي حق ومصيب
يشهد لنـا التاريـخ بـاول وتالـي
شمس الخلايق تشرق الصبح وتغيب
وشمس الديوانية شارقـه ماتزالـي
قصيدتي تمـت بمعنـى وتركيـب
والبال مرتاح(ن)وانا طـاب فالـي