منتديات ديوانـية القاريـه و لـحيفه الرئيسـيـة - عرض مشاركة واحدة

#1 02-07-2011, 08:39 PM

قصيده روعه بس للاسف مااعرف كاتبها تنقلك لاجواء كئيبه وتشعر بأنك صاحبها

جلسـت بضيقتـي وحـدي افكـر فـــــــي بداياتـــــــي
على شاطى البحر جالس وكـــــــان اليـوم بغروبـه

على الشاطى جلست احسب جروحي وكل خساراتي
وكان الوقـت حــــــــزتهـا مطـر وقلوب...مرعوبـه

وكانت طفلـه اصغيـره بجنبـي تقــــرا حسراتـي
كأن الضيقه في وجهـى وهـي بالـروح مكتوبـه

تذكـرت الحبيبـه يومـهـا خلتـنـي بأهـاتــــــــــي
بعد ما جتني تشكي لـي تقـول اليـوم مخطوبـه

وعرسي..في شهر(واحد)وضاعـت كـل حيلاتـي
وامي اعزمـت نـاس وعرسـي جهـزوا ثــــوبـه

تقول ارجوك أبي تحرق صـوري مـع رسالاتـي
وفراقـك ماهـو بكيفـي وانــا والله مغصـــــوبـه

وقالت خذ وعـد مـن دمعـي المقهـور بســكاتـي
اموت بحبـك الغالـي وارد احيـا علـى دروبــه

وقالت..مدري وش قالت ...انا ميـت بلحضاتـي
خنقني الهم في صـدري وشفـت الدنيـا مقلوبـه

أبستوعـب ولانـي قـادر استوعـب نهايـااتـــــي
أبـي ذرة فـرح لكـن لقيـت الفرحـة مسلـــوبـه

تساوت دنيتي بعينـي تسـاوى الماضـي باالاتـي
ما دام ان العيـوب اليـوم ترفـع نـاس معيوبـه

رجعت لغرفتي بيـن (الاثـاث) وبيـن شمعـــاتـي
اناظر كل رسايلها وقلت...؟ان كـان لـي حوبـه

يا عل اللي خذاهـا ياخـذه ربـي مـن ادعاتـتـــي
يشوف اللي انـا شفتـه ويصيـر الهـم مشروبـه

بكيـت ومـا لقيـت اللـي يواسينـي بدمعـــــــــاتـي
وشكيت الجـرح للدنيـا ولا منهـو لفـت صـــوبـه