من حسن حظ ومن جمال الصواديف=لقاي باصحاب السلوم المنيفه
شهران نِعْم الدار والكار والقيف=ونِعْم المذاهب والعلوم الشريفه
سلام يا شهران يا شرحة الضيف=واخص قوم القاريه واللحيفه
من حقكم نبذه بسيطه وتعريف=شاعر ومعني بالقلوب الأليفه
من لابة ابني عمرو يا اهل المعاريف=لفيتكم والفخر يزمل رفيفه
لبسي غلا واعجاب نظره وتشريف=من يمّكم جاني بكمّه وكيفه
اشوف نفسي في علو المشاريف=وسلمتكم كل الدروب المخيفه
من حيّكم جتني عزيمه وتكليف=ولحيّكم بالقلب قدر ٍ وضيفه
هلا بدعوة راعي المرقب النيف=الشيخ أبو خالد ويا حيّ طيفه
عزوة رجال المدح واهل المواقيف=شهران قيف ٍ ما عبرني وصيفه
هذي علوم الضيف من دون تزييف=وعلى الوفا باقي علوم ٍ رديفه