يا ضيقتي
ياضيقتي ماهي بعاده تطولين
يومين ما شفت للرحيل طاري
مدري اعجبك صدري ونويتي تقيمين
ولا بعد ودك يطول انتظاري
يكفي علي من الزمن لا تزيدين
كل الجهات مسكرّه في مساري
مات الصدى بصوت يثور براكين
واغتال ليلي طلة اول نهاري
بيني وبين الحظ كره له سنين
مدري متى منه انا باخذ بثاري
صرت الجمل وايام عمري سكاكين
احطب ضلوعي وأتدفّا بناري
تعبت من نفسي وانا اقول بعدين
وش اخرة بعدين غير انكساري!
يا وقت انا وياك قلي على وين ؟
مجروح وفكري مع الليل ساري.
منقول بتصرف
التعديل الأخير تم بواسطة عبدالهادي الشهراني ; 20-01-2012 الساعة 01:26 AM.
|