يا ما اغبنتني واتعبتني بلاويك ,,, جرحتني ياصاحبي صرت خوان,, جديد

اخر ما اجادت به القريحه

من يوم هو ربي خلقني وانـا هيـك

اسعى ورى اللي حاسبه ضمن الاخوان

اللي مثل شرواك بالكـاش والشيـك

نشريه ونشري خوته بغلـى الاثمـان

واليا نصيتك فـي نهـار الشرابيـك

اقبلتلي خلف البحـر خلـف وديـان

في فزعتك ماشفت حـي(ن) يجاريـك

انت الجمل فالصبر وفي عزمك حصان

واليا حكينـا فالكـرم جبـت طاريـك

واللا زمن حاتم وجاك ابـن سفيـان

ولحتجتني ياصاحبي جيـت ناصيـك

اللي طلبت افداك يـا عالـي الشـان

ولا انت ياللي شنت فالطبـع مابيـك

ماهمـك الا الشتـم ففـلان وفــلان

يامـا اغبنتنـي واتعبتنـي بلاويـك

جرحتني ياصاحبـي صـرت خـوان

رح ابتعـد عفتـك ولانـي بخاويـك

والـلا بقلـك رح وخاوالـك نسـوان

وتعـال ياخـوك اقتربلـي بحاكيـك

وش لضبع ماشي مع سبـع سبعـان

صح الله لسانك يابو شايع ، إذا قريحتك بهذا الذوق فـ الله يقويك واصل ، إنت ميه ميه ...

صح بدنك
واشكرك اخوي النادر على مرورك
لاعدمتك
بس تعال ابيك بكلمه انت اللي
ميه ميه

صح لسانك يا ابو شايع صراحة والله ولا احلى

صح بدنك ياخوي المجروح
وشاكر مرورك
يعطيك الف عافيه

صح لسانك أخي ابو شايع بصراحه انت فعلا ميه ميه
تقبل مروري
لك ودي

صح لسانك يا ابو شايع لاعدمناك ويعطيك الف عافيه
لك مني كل الشكر.

يعطيك العافيه اخوي المشرقي
وانت بعد ميه ميه
وشاكر مرورك

يعطيك العافيه الرومنسيه
ولا عدمتك
وشاكر مرورك