مواقف مضحكه من الواقع

احبتي
السلام عليكم ورحمه الله وبركاته
بعد الزوبعه التى حدثت في الايام القليله الماضيه ولا زالت اثارها الى الان اتمنى ان يخرجنا الموضوع هذا منها بأذن الله
مواقف مضحكه من الواقع اي من واقعك انت والله يعينا على الفضايح
المهم سوف ابدأ انا واتمنى من الجميع التفاعل
في يوم من الايام ياطوال العمر والسلامه تأخرت عن صلاة العشاء المهم خرجت من البيت وقلت تدري خذ السياره مع ان المسجد ماهو بعيد بس قلت السياره اسرع هههههه اكيد مسوي فاهم جبت رأس غليص المهم شغلت ورررررررررررر على المسجد صليت والي علي بالخير ونحمد الله لحقت الصلاه رجعت للبيت ونسيت السياره عند المسجد اخوكم فالله ماجت السياره على باله المهم نمت وقمت صلاة الفجر وبرضوا ماجت السياره على بالي رجعت من المسجد اه اللحظه الحاسمه وصلت عند باب البيت اطالع يمين اطالع يسار ياهووووو ياعالم ياناس وين السياره افاااااااااااااا جاك الشيطان السياره انسرقت صراحه عيوني بغت تطلع من راسي وين اروح وش اسوي الحمد لله اول شيء قلته اللهم اجرني في مصيبتي واخلفني خيراً منها مع ان لا فيه لا مصيبه ولا مايحزنون الاخت سياره فالتها عند المسجد المهم دخلت البيت وهموم الدنيا فوق راسي خابرين عندنا شرطه ماشاء الله تبارك الله يجبون الحرامي ثاني سنه ههههههه هذا اذا جابوه المهم دخلت ادور جوالي خلاص التركيز صار صفر شافتني زوجتي الله يطول في عمرها اشفيك اشب وجهك كذا ضارب فرامل خخخخ امزح ماتعرف الكلام ذا المهم كثرت من كلمه المهم صح المهم اعطيتها السالفه بوجه حزين وطلبت منها ان تولول وتلطم الخدود فـ السياره عندها اغلا مني هههههه عشان روحت السوق!!!! لا والله قلتلها اول شيء قولي انا لله وانا اليه راجعون يارجال وش فيك خوفتني قلت استرجعي اول المهم قالت انا لله وانا اليه راجعون قلت السياره انسرقت بغت تنجن كيف؟ ليه؟ متى؟
مدرررررررررررري بس ماهي عند الباب في هذه اللحظه بغيت ابكي ههههههههههه سبحان الله فجاءه تقول لذعني مااااااس السياره عند المسجد يادلخ طالعت في زوجتي وقلت شوووي شوووووي وجري وافتح الباب واطالع عند المسجد الا وذيك سحنتها الله لا.. استغفر الله والله ان كني شفت لي 50 بعير هههه امش ياراعي البل صراحه فرحه لا توصف في هذه اللحظات السعيده وانا امشي اليها اختلطت مشاعر الفرح بمشاعر الفغاره والله ماانسى هذا الموقف الذي اضحك كل مااتذكره مع مافيه من مأسي
يالله يالربع عطونا ماعندكم حتى لو كان لديك عدت مواقف مافيه مشكله التعب على اصابعك شدو حيلكم

يعطيك العافيه موضوع يحتاج تفاعل الشباب راااائع لي عوده

المشاركة الأصلية كتبت بواسطة اليورو

يعطيك العافيه موضوع يحتاج تفاعل الشباب راااائع لي عوده

انتظر عودتك بقصه من واقعك هاه انتظرك

قصة روعة ...
يالله نبي تفاعل ...

المشاركة الأصلية كتبت بواسطة الطاروق

قصة روعة ...


يالله نبي تفاعل ...

ماتبطل حركاتك ذي مسوي ذكي
يالله نبي تفاعل
اقول عطنى قصه من واقعك الأليم لا تجبرني على الردى
اخلص

ونعم يالكويس
بيض الله وجهك على هذي الذهانة
هههههههههههههههه

المشاركة الأصلية كتبت بواسطة عبدالهادي الشهراني

ونعم يالكويس

بيض الله وجهك على هذي الذهانة

هههههههههههههههه

ههههههههه وبيض الله وجهك على هذا الذكاء وين قصتك عاد انت عسكري ومعروفه مقالب العسكر وحركاتهم اطربنا