تعال اقراء وشوف يالمقصود ماعاد ابي اخوتك يالهلامه

والله انها جات في وقتها واهديها لواحد كان خويي اعتذر ولا ما اعتذر وانشاء الله يشوفها والله اني ابي الفكه منه وجات منه واللي بيزعل يعرف انه هو المقصود
القصيده ماهي لي لشا عر = سعيد الاكلبي

ياصاحبي لاصار مانت بكفـو لامنّـك حضـرت

ماعاد ابي لك فزّعةٍ عندي ولابي لـك حضـور

لاصار ماجا للروابع في مجـال الطيـب كـرت

فلاخير في نفْسٍ تفاهق فـي مهمـات الامـور

انا على درب الوفا واهل الوفا والطيب سـرت

ولاينومسني خـوي الـدرب لاصـار مْعَثـور

ماهمّني لاقالوا انك شنـت فاصحابـك وبُـرت

مالي ومال الخوة اللي مـن دبـورٍ فـي دبـور

ولاتحْسب اني لاخِسرت مقابلك انـي خِسـرت

لابالله الا فكّنـا ربـي مـن قصـار الشْـبـور

لاصار منت بمحْزمٍ لـي لابغيـت اثـور ثُـرت

مانيب ابي لي محْزمٍ لاقمت فـي جنبـي يثـور

رح غير مأسوفٍ عليك وياكُثر صبـرٍ صبـرت

على مثل شرواك ممـن خِوّتـه خـوّة عبـور

والا انت ياللي في دروب المرّجلة سِرْت وعبَرت

ليتك تويق تشوف مقدار الغلا لك في الصـدور

ياللي ليا منّي نخيتك ساعـة الفزعـة طمـرت

ماتحْسب حسابك مع الطمرة ثرى والا صخـور

طمرة حصانٍ دونهـا يالكفـو والله ماقصـرت

الا وفيـت وجمّـل الله حالـك وماجـا قصـور

في ساعةٍ كان العُذر يمنعك منّي مـا اعتـذرت

ياطيب طيبك يوم شِلت الحِمل يالشهم الصبـور

خوّتك هذي عندي تجارة لـو انّـي ماتِجـرت

شيك ورصيدٍ فـي حسابـي لابغيتـه مايبـور

خـوّة رْجـالٍ ماتغيّـر لاكِبـرْت ولاصِـغـرت

ماهي بِتغّذَى من حليب المصلحـة حـده يفـور

خوّة زحـولٍ تسنـد البنيـان لامنّـك عمْـرت

تِرّفع علـى خُوّتهـم بنايـات وتعَمَّـر قصـور

اما كـذا ياصاحبـي وقفتْـك لامنّـك حضـرت

والا فلابي فزّعِتك عندي ولابـي لـك حضـور

صح لسانك يا بو شايع

والله يعطيك العافيه

صح لسانك
تقبل مروري
لك ودي

صح لسانك اخوي ابوشايع